5. саббааниччавагго

1-9. аничча̄дисуттанавакам̣

43. са̄ваттхинида̄нам̣. татра кхо…пе… ‘‘саббам̣, бхиккхаве, аниччам̣. кин̃ча, бхиккхаве, саббам̣ аниччам̣? чаккху, бхиккхаве, аниччам̣, рӯпа̄ аничча̄, чаккхувин̃н̃а̄н̣ам̣ аниччам̣, чаккхусампхассо аниччо. йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччам̣…пе… дживха̄ аничча̄, раса̄ аничча̄, дживха̄вин̃н̃а̄н̣ам̣ аниччам̣, дживха̄сампхассо аниччо. йампидам̣ дживха̄сампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччам̣. ка̄йо аниччо…пе… мано аниччо, дхамма̄ аничча̄, мановин̃н̃а̄н̣ам̣ аниччам̣, маносампхассо аниччо. йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччам̣. евам̣ пассам̣, бхиккхаве, сутава̄ арийаса̄вако чаккхусмимпи ниббиндати, рӯпесупи ниббиндати, чаккхувин̃н̃а̄н̣епи ниббиндати, чаккхусампхассепи ниббиндати. йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тасмимпи ниббиндати…пе… манасмимпи ниббиндати, дхаммесупи ниббиндати, мановин̃н̃а̄н̣епи ниббиндати, маносампхассепи ниббиндати, йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тасмимпи ниббиндати. ниббиндам̣ вираджджати; вира̄га̄ вимуччати; вимуттасмим̣ вимуттамити н̃а̄н̣ам̣ хоти. ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄’ти паджа̄на̄тӣ’’ти. пат̣хамам̣.

44. ‘‘саббам̣, бхиккхаве, дуккхам̣…пе…. дутийам̣.

45. ‘‘саббам̣, бхиккхаве, анатта̄…пе…. татийам̣.

46. ‘‘саббам̣, бхиккхаве, абхин̃н̃еййам̣…пе…. чатуттхам̣.

47. ‘‘саббам̣, бхиккхаве, парин̃н̃еййам̣…пе…. пан̃чамам̣.

48. ‘‘саббам̣, бхиккхаве, паха̄таббам̣…пе…. чхат̣т̣хам̣.

49. ‘‘саббам̣, бхиккхаве, саччхика̄таббам̣…пе…. саттамам̣.

50. ‘‘саббам̣, бхиккхаве, абхин̃н̃а̄парин̃н̃еййам̣…пе…. ат̣т̣хамам̣.

51. ‘‘саббам̣, бхиккхаве, упаддутам̣…пе…. навамам̣.

10. упассат̣т̣хасуттам̣

52. ‘‘саббам̣, бхиккхаве, упассат̣т̣хам̣ [упасат̣т̣хам̣ (ка.)]. кин̃ча, бхиккхаве, саббам̣ упассат̣т̣хам̣? чаккху, бхиккхаве, упассат̣т̣хам̣, рӯпа̄ упассат̣т̣ха̄, чаккхувин̃н̃а̄н̣ам̣ упассат̣т̣хам̣, чаккхусампхассо упассат̣т̣хо. йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи упассат̣т̣хам̣…пе… дживха̄ упассат̣т̣ха̄, раса̄ упассат̣т̣ха̄, дживха̄вин̃н̃а̄н̣ам̣ упассат̣т̣хам̣, дживха̄сампхассо упассат̣т̣хо. йампидам̣ дживха̄сампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи упассат̣т̣хам̣. ка̄йо упассат̣т̣хо… мано упассат̣т̣хо, дхамма̄ упассат̣т̣ха̄, мановин̃н̃а̄н̣ам̣ упассат̣т̣хам̣, маносампхассо упассат̣т̣хо. йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи упассат̣т̣хам̣. евам̣ пассам̣, бхиккхаве, сутава̄ арийаса̄вако чаккхусмимпи ниббиндати, рӯпесупи ниббиндати, чаккхувин̃н̃а̄н̣епи ниббиндати, чаккхусампхассепи ниббиндати. йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тасмимпи ниббиндати…пе… манасмимпи ниббиндати, дхаммесупи ниббиндати, мановин̃н̃а̄н̣епи ниббиндати, маносампхассепи ниббиндати. йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тасмимпи ниббиндати. ниббиндам̣ вираджджати; вира̄га̄ вимуччати; вимуттасмим̣ вимуттамити н̃а̄н̣ам̣ хоти. ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄’ти паджа̄на̄тӣ’’ти. дасамам̣.

саббааниччавагго пан̃чамо.

тассудда̄нам̣ –

аниччам̣ дуккхам̣ анатта̄, абхин̃н̃еййам̣ парин̃н̃еййам̣;

паха̄таббам̣ саччхика̄таббам̣, абхин̃н̃еййапарин̃н̃еййам̣ [абхин̃н̃еййам̣ парин̃н̃еййам̣ (сӣ. сйа̄. кам̣.), абхин̃н̃а̄там̣ парин̃н̃еййам̣ (пӣ. ка.)];

упаддутам̣ упассат̣т̣хам̣, вагго тена павуччатӣти.

сал̣а̄йатанавагге пат̣хамапан̣н̣а̄сако саматто.

тасса ваггудда̄нам̣ –

аниччаваггам̣ йамакам̣, саббам̣ ваггам̣ джа̄тидхаммам̣;

аниччаваггена пан̃н̃а̄сам̣, пан̃чамо тена павуччатӣти.