9. пат̣хамасамуггха̄тасаппа̄йасуттам̣

31. ‘‘саббаман̃н̃итасамуггха̄тасаппа̄йам̣ во, бхиккхаве, пат̣ипадам̣ десесса̄ми. там̣ сун̣а̄тха. катама̄ ча са̄, бхиккхаве, саббаман̃н̃итасамуггха̄тасаппа̄йа̄ пат̣ипада̄? идха, бхиккхаве, бхиккху чаккхум̣ на ман̃н̃ати, чаккхусмим̣ на ман̃н̃ати, чаккхуто на ман̃н̃ати, чаккхум̣ мети на ман̃н̃ати. рӯпе на ман̃н̃ати…пе… чаккхувин̃н̃а̄н̣ам̣ на ман̃н̃ати, чаккхусампхассам̣ на ман̃н̃ати, йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи на ман̃н̃ати, тасмимпи на ман̃н̃ати, татопи на ман̃н̃ати, там̣ мети на ман̃н̃ати. йан̃хи, бхиккхаве, ман̃н̃ати, йасмим̣ ман̃н̃ати, йато ман̃н̃ати, йам̣ мети ман̃н̃ати, тато там̣ хоти ан̃н̃атха̄. ан̃н̃атха̄бха̄вӣ бхавасатто локо бхавамева̄бхинандати…пе… дживхам̣ на ман̃н̃ати, дживха̄йа на ман̃н̃ати, дживха̄то на ман̃н̃ати, дживха̄ мети на ман̃н̃ати. расе на ман̃н̃ати…пе… дживха̄вин̃н̃а̄н̣ам̣ на ман̃н̃ати, дживха̄сампхассам̣ на ман̃н̃ати. йампидам̣ дживха̄сампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи на ман̃н̃ати, тасмимпи на ман̃н̃ати, татопи на ман̃н̃ати, там̣ мети на ман̃н̃ати. йан̃хи, бхиккхаве, ман̃н̃ати, йасмим̣ ман̃н̃ати, йато ман̃н̃ати, йам̣ мети ман̃н̃ати, тато там̣ хоти ан̃н̃атха̄. ан̃н̃атха̄бха̄вӣ бхавасатто локо бхавамева̄бхинандати…пе… манам̣ на ман̃н̃ати, манасмим̣ на ман̃н̃ати, манато на ман̃н̃ати, мано мети на ман̃н̃ати. дхамме на ман̃н̃ати…пе… мановин̃н̃а̄н̣ам̣ на ман̃н̃ати, маносампхассам̣ на ман̃н̃ати. йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи на ман̃н̃ати, тасмимпи на ман̃н̃ати, татопи на ман̃н̃ати, там̣ мети на ман̃н̃ати. йан̃хи, бхиккхаве, ман̃н̃ати, йасмим̣ ман̃н̃ати, йато ман̃н̃ати, йам̣ мети ман̃н̃ати, тато там̣ хоти ан̃н̃атха̄. ан̃н̃атха̄бха̄вӣ бхавасатто локо бхавамева̄бхинандати. йа̄вата̄, бхиккхаве, кхандхадха̄туа̄йатанам̣ тампи на ман̃н̃ати, тасмимпи на ман̃н̃ати, татопи на ман̃н̃ати, там̣ мети на ман̃н̃ати. со евам̣ аман̃н̃ама̄но на ча кин̃чи локе упа̄дийати. анупа̄дийам̣ на паритассати. апаритассам̣ паччаттан̃н̃ева паринибба̄йати. ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄’ти паджа̄на̄ти. айам̣ кхо са̄, бхиккхаве, саббаман̃н̃итасамуггха̄тасаппа̄йа̄ пат̣ипада̄’’ти. навамам̣.