3. пат̣хамаасса̄дапарийесанасуттам̣

15. ‘‘чаккхусса̄хам̣, бхиккхаве, асса̄дапарийесанам̣ ачарим̣. йо чаккхусса асса̄до тададжджхагамам̣. йа̄вата̄ чаккхусса асса̄до пан̃н̃а̄йа ме со судит̣т̣хо. чаккхусса̄хам̣, бхиккхаве, а̄дӣнавапарийесанам̣ ачарим̣. йо чаккхусса а̄дӣнаво тададжджхагамам̣. йа̄вата̄ чаккхусса а̄дӣнаво пан̃н̃а̄йа ме со судит̣т̣хо. чаккхусса̄хам̣, бхиккхаве, ниссаран̣апарийесанам̣ ачарим̣. йам̣ чаккхусса ниссаран̣ам̣ тададжджхагамам̣. йа̄вата̄ чаккхусса ниссаран̣ам̣, пан̃н̃а̄йа ме там̣ судит̣т̣хам̣. сотасса̄хам̣, бхиккхаве… гха̄насса̄хам̣, бхиккхаве… дживха̄йа̄хам̣ бхиккхаве, асса̄дапарийесанам̣ ачарим̣. йо дживха̄йа асса̄до тададжджхагамам̣. йа̄вата̄ дживха̄йа асса̄до пан̃н̃а̄йа ме со судит̣т̣хо. дживха̄йа̄хам̣, бхиккхаве, а̄дӣнавапарийесанам̣ ачарим̣. йо дживха̄йа а̄дӣнаво тададжджхагамам̣. йа̄вата̄ дживха̄йа а̄дӣнаво пан̃н̃а̄йа ме со судит̣т̣хо. дживха̄йа̄хам̣, бхиккхаве, ниссаран̣апарийесанам̣ ачарим̣. йам̣ дживха̄йа ниссаран̣ам̣ тададжджхагамам̣. йа̄вата̄ дживха̄йа ниссаран̣ам̣, пан̃н̃а̄йа ме там̣ судит̣т̣хам̣. манасса̄хам̣, бхиккхаве, асса̄дапарийесанам̣ ачарим̣. йо манасса асса̄до тададжджхагамам̣. йа̄вата̄ манасса асса̄до пан̃н̃а̄йа ме со судит̣т̣хо. манасса̄хам̣, бхиккхаве, а̄дӣнавапарийесанам̣ ачарим̣. йо манасса а̄дӣнаво тададжджхагамам̣. йа̄вата̄ манасса а̄дӣнаво пан̃н̃а̄йа ме со судит̣т̣хо. манасса̄хам̣, бхиккхаве, ниссаран̣апарийесанам̣ ачарим̣. йам̣ манасса ниссаран̣ам̣ тададжджхагамам̣. йа̄вата̄ манасса ниссаран̣ам̣, пан̃н̃а̄йа ме там̣ судит̣т̣хам̣.

‘‘йа̄вакӣван̃ча̄хам̣, бхиккхаве, имесам̣ чханнам̣ аджджхаттика̄нам̣ а̄йатана̄нам̣ асса̄дан̃ча асса̄дато, а̄дӣнаван̃ча а̄дӣнавато, ниссаран̣ан̃ча ниссаран̣ато йатха̄бхӯтам̣ на̄ббхан̃н̃а̄сим̣…пе… паччан̃н̃а̄сим̣. н̃а̄н̣ан̃ча пана ме дассанам̣ удапа̄ди – ‘акуппа̄ ме вимутти, айамантима̄ джа̄ти, наттхи да̄ни пунаббхаво’’’ти. татийам̣.