9. пат̣хамахаттхапа̄допамасуттам̣

236. ‘‘хаттхесу, бхиккхаве, сати а̄да̄наниккхепанам̣ пан̃н̃а̄йати; па̄десу сати абхиккамапат̣иккамо пан̃н̃а̄йати; паббесу сати самин̃джанапаса̄ран̣ам̣ пан̃н̃а̄йати; куччхисмим̣ сати джигхаччха̄ пипа̄са̄ пан̃н̃а̄йати. евамева кхо, бхиккхаве, чаккхусмим̣ сати чаккхусампхассапаччайа̄ уппаджджати аджджхаттам̣ сукхам̣ дуккхам̣…пе… дживха̄йа сати дживха̄сампхассапаччайа̄ уппаджджати аджджхаттам̣ сукхам̣ дуккхам̣…пе… манасмим̣ сати маносампхассапаччайа̄ уппаджджати аджджхаттам̣ сукхам̣ дуккхам̣…пе….

‘‘хаттхесу, бхиккхаве, асати а̄да̄наниккхепанам̣ на пан̃н̃а̄йати; па̄десу асати абхиккамапат̣иккамо на пан̃н̃а̄йати; паббесу асати самин̃джанапаса̄ран̣ам̣ на пан̃н̃а̄йати; куччхисмим̣ асати джигхаччха̄ пипа̄са̄ на пан̃н̃а̄йати. евамева кхо, бхиккхаве, чаккхусмим̣ асати чаккхусампхассапаччайа̄ нуппаджджати аджджхаттам̣ сукхам̣ дуккхам̣…пе… дживха̄йа асати дживха̄сампхассапаччайа̄ нуппаджджати…пе… манасмим̣ асати маносампхассапаччайа̄ нуппаджджати аджджхаттам̣ сукхам̣ дуккха’’нти. навамам̣.