6. джӣвакамбаванапат̣исалла̄насуттам̣

161. екам̣ самайам̣ бхагава̄ ра̄джагахе вихарати джӣвакамбаване. татра кхо бхагава̄ бхиккхӯ а̄мантеси…пе… ‘‘пат̣исалла̄не, бхиккхаве, йогама̄паджджатха. пат̣исаллӣнасса, бхиккхаве, бхиккхуно йатха̄бхӯтам̣ оккха̄йати. кин̃ча йатха̄бхӯтам̣ оккха̄йати? чаккхум̣ аниччанти йатха̄бхӯтам̣ оккха̄йати, рӯпа̄ аничча̄ти йатха̄бхӯтам̣ оккха̄йати, чаккхувин̃н̃а̄н̣ам̣ аниччанти йатха̄бхӯтам̣ оккха̄йати, чаккхусампхассо аниччоти йатха̄бхӯтам̣ оккха̄йати, йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччанти йатха̄бхӯтам̣ оккха̄йати…пе… мано аниччоти йатха̄бхӯтам̣ оккха̄йати, дхамма̄… мановин̃н̃а̄н̣ам̣… маносампхассо… йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччанти йатха̄бхӯтам̣ оккха̄йати. пат̣исалла̄не бхиккхаве, йогама̄паджджатха. пат̣исаллӣнасса, бхиккхаве, бхиккхуно йатха̄бхӯтам̣ оккха̄йатӣ’’ти. чхат̣т̣хам̣.