1. аджджхаттанандиккхайасуттам̣

156. ‘‘аниччам̣йева, бхиккхаве, бхиккху чаккхум̣ аниччанти пассати, са̄сса [са̄йам̣ (пӣ. ка.)] хоти самма̄дит̣т̣хи. самма̄ пассам̣ ниббиндати. нандиккхайа̄ ра̄гаккхайо; ра̄гаккхайа̄ нандиккхайо. нандира̄гаккхайа̄ читтам̣ сувимуттанти вуччати…пе… аниччам̣йева, бхиккхаве, бхиккху дживхам̣ аниччанти пассати, са̄сса хоти самма̄дит̣т̣хи. самма̄ пассам̣ ниббиндати. нандиккхайа̄ ра̄гаккхайо; ра̄гаккхайа̄…пе… читтам̣ сувимуттанти вуччати…пе… аниччам̣йева, бхиккхаве, бхиккху манам̣ аниччанти пассати, са̄сса хоти самма̄дит̣т̣хи. самма̄ пассам̣ ниббиндати. нандиккхайа̄ ра̄гаккхайо; ра̄гаккхайа̄ нандиккхайо. нандира̄гаккхайа̄ читтам̣ сувимуттанти вуччатӣ’’ти. пат̣хамам̣.