2. аниччанибба̄насаппа̄йасуттам̣

147. ‘‘нибба̄насаппа̄йам̣ во, бхиккхаве, пат̣ипадам̣ десесса̄ми. там̣ сун̣а̄тха…пе… катама̄ ча са̄, бхиккхаве, нибба̄насаппа̄йа̄ пат̣ипада̄? идха, бхиккхаве, бхиккху чаккхум̣ аниччанти пассати, рӯпа̄ аничча̄ти пассати, чаккхувин̃н̃а̄н̣ам̣ аниччанти пассати, чаккхусампхассо аниччоти пассати. йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччанти пассати…пе… дживха̄ аничча̄ти пассати, раса̄ аничча̄ти пассати, дживха̄вин̃н̃а̄н̣ам̣ аниччанти пассати, дживха̄сампхассо аниччоти пассати, йампидам̣ дживха̄сампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччанти пассати…пе… мано аниччоти пассати, дхамма̄ аничча̄ти пассати, мановин̃н̃а̄н̣ам̣ аниччанти пассати, маносампхассо аниччоти пассати, йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччанти пассати. айам̣ кхо са̄, бхиккхаве, нибба̄насаппа̄йа̄ пат̣ипада̄’’ти. дутийам̣.