3. дуккханибба̄насаппа̄йасуттам̣

148. ‘‘нибба̄насаппа̄йам̣ во, бхиккхаве, пат̣ипадам̣ десесса̄ми. там̣ сун̣а̄тха…пе… катама̄ ча са̄, бхиккхаве, нибба̄насаппа̄йа̄ пат̣ипада̄? идха, бхиккхаве, чаккхум̣ дуккханти пассати, рӯпа̄ дуккха̄ти пассати, чаккхувин̃н̃а̄н̣ам̣ дуккханти пассати, чаккхусампхассо дуккхоти пассати, йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи дуккханти пассати…пе… дживха̄ дуккха̄ти пассати…пе… мано дуккхоти пассати, дхамма̄ дуккха̄ти пассати, мановин̃н̃а̄н̣ам̣ дуккханти пассати, маносампхассо дуккхоти пассати, йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи дуккханти пассати. айам̣ кхо са̄, бхиккхаве, нибба̄насаппа̄йа̄ пат̣ипада̄’’ти. татийам̣.