7. аджджхатта̄ниччахетусуттам̣

140. ‘‘чаккхум̣, бхиккхаве, аниччам̣. йопи хету, йопи паччайо чаккхусса уппа̄да̄йа, сопи аниччо. аниччасамбхӯтам̣, бхиккхаве, чаккху куто ниччам̣ бхависсати…пе… дживха̄ аничча̄. йопи хету, йопи паччайо дживха̄йа уппа̄да̄йа сопи аниччо. аниччасамбхӯта̄, бхиккхаве, дживха̄ куто ничча̄ бхависсати…пе… мано аниччо. йопи, бхиккхаве, хету йопи паччайо манасса уппа̄да̄йа, сопи аниччо. аниччасамбхӯто, бхиккхаве, мано куто ниччо бхависсати! евам̣ пассам̣, бхиккхаве, сутава̄ арийаса̄вако чаккхусмимпи ниббиндати…пе… дживха̄йапи ниббиндати…пе… ниббиндам̣ вираджджати; вира̄га̄ вимуччати; вимуттасмим̣ вимуттамити н̃а̄н̣ам̣ хоти. ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄’ти паджа̄на̄тӣ’’ти. саттамам̣.