10. ба̄хира̄ниччахетусуттам̣

143. ‘‘рӯпа̄, бхиккхаве, аничча̄. йопи хету, йопи паччайо рӯпа̄нам̣ уппа̄да̄йа, сопи аниччо. аниччасамбхӯта̄, бхиккхаве, рӯпа̄ куто ничча̄ бхависсанти! садда̄… гандха̄… раса̄… пхот̣т̣хабба̄… дхамма̄ аничча̄. йопи хету, йопи паччайо дхамма̄нам̣ уппа̄да̄йа, сопи аниччо. аниччасамбхӯта̄, бхиккхаве, дхамма̄ куто ничча̄ бхависсанти! евам̣ пассам̣…пе… ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄’ти паджа̄на̄тӣ’’ти. дасамам̣.