2. упа̄да̄йасуттам̣

105. ‘‘кисмим̣ ну кхо, бхиккхаве, сати ким̣ упа̄да̄йа уппаджджати аджджхаттам̣ сукхам̣ дуккха’’нти?

‘‘бхагавам̣мӯлака̄ но, бханте, дхамма̄…пе….

‘‘чаккхусмим̣ кхо, бхиккхаве, сати чаккхум̣ упа̄да̄йа уппаджджати аджджхаттам̣ сукхам̣ дуккхам̣…пе… манасмим̣ сати манам̣ упа̄да̄йа уппаджджати аджджхаттам̣ сукхам̣ дуккхам̣. там̣ ким̣ ман̃н̃атха, бхиккхаве, чаккху ниччам̣ ва̄ аниччам̣ ва̄’’ти?

‘‘аниччам̣, бханте’’.

‘‘йам̣ пана̄ниччам̣ дуккхам̣ ва̄ там̣ сукхам̣ ва̄’’ти?

‘‘дуккхам̣, бханте’’.

‘‘йам̣ пана̄ниччам̣ дуккхам̣ випарин̣а̄мадхаммам̣, апи ну там̣ анупа̄да̄йа уппаджджеййа аджджхаттам̣ сукхам̣ дуккха’’нти?

‘‘но хетам̣ бханте’’…пе….

‘‘дживха̄ ничча̄ ва̄ аничча̄ ва̄’’ти?

‘‘аничча̄, бханте’’.

‘‘йам̣ пана̄ниччам̣ дуккхам̣ ва̄ там̣ сукхам̣ ва̄’’ти?

‘‘дуккхам̣, бханте’’.

‘‘йам̣ пана̄ниччам̣ дуккхам̣ випарин̣а̄мадхаммам̣, апи ну там̣ анупа̄да̄йа уппаджджеййа аджджхаттам̣ сукхам̣ дуккха’’нти?

‘‘но хетам̣, бханте’’…пе….

‘‘мано ниччо ва̄ аниччо ва̄’’ти?

‘‘аниччо, бханте’’.

‘‘йам̣ пана̄ниччам̣ дуккхам̣ ва̄ там̣ сукхам̣ ва̄’’ти?

‘‘дуккхам̣, бханте’’.

‘‘йам̣ пана̄ниччам̣ дуккхам̣ випарин̣а̄мадхаммам̣, апи ну там̣ анупа̄да̄йа уппаджджеййа аджджхаттам̣ сукхам̣ дуккха’’нти?

‘‘но хетам̣, бханте’’.

‘‘евам̣ пассам̣, бхиккхаве, сутава̄ арийаса̄вако чаккхусмимпи ниббиндати…пе… манасмимпи ниббиндати. ниббиндам̣ вираджджати; вира̄га̄ вимуччати; вимуттасмим̣ вимуттамити н̃а̄н̣ам̣ хоти. ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄’ти паджа̄на̄тӣ’’ти. дутийам̣.