10. ба̄хира̄ничча̄тӣта̄на̄гатасуттам̣

10. ‘‘рӯпа̄, бхиккхаве, аничча̄ атӣта̄на̄гата̄; ко пана ва̄до паччуппанна̄нам̣! евам̣ пассам̣, бхиккхаве, сутава̄ арийаса̄вако атӣтесу рӯпесу анапеккхо хоти; ана̄гате рӯпе на̄бхинандати; паччуппанна̄нам̣ рӯпа̄нам̣ ниббида̄йа вира̄га̄йа ниродха̄йа пат̣ипанно хоти. садда̄… гандха̄… раса̄… пхот̣т̣хабба̄… дхамма̄ аничча̄ атӣта̄на̄гата̄; ко пана ва̄до паччуппанна̄нам̣! евам̣ пассам̣, бхиккхаве, сутава̄ арийаса̄вако атӣтесу дхаммесу анапеккхо хоти; ана̄гате дхамме на̄бхинандати; паччуппанна̄нам̣ дхамма̄нам̣ ниббида̄йа вира̄га̄йа ниродха̄йа пат̣ипанно хотӣ’’ти. дасамам̣.