2. парин̃н̃асуттам̣

23. са̄ваттхинида̄нам̣. ‘‘парин̃н̃еййе ча, бхиккхаве, дхамме десесса̄ми парин̃н̃ан̃ча. там̣ сун̣а̄тха. катаме ча, бхиккхаве, парин̃н̃еййа̄ дхамма̄? рӯпам̣, бхиккхаве, парин̃н̃еййо дхаммо, ведана̄ парин̃н̃еййо дхаммо, сан̃н̃а̄ парин̃н̃еййо дхаммо, сан̇кха̄ра̄ парин̃н̃еййо дхаммо, вин̃н̃а̄н̣ам̣ парин̃н̃еййо дхаммо. име вуччанти, бхиккхаве, парин̃н̃еййа̄ дхамма̄. катама̄ ча, бхиккхаве, парин̃н̃а̄? йо, бхиккхаве, ра̄гаккхайо досаккхайо мохаккхайо. айам̣ вуччати, бхиккхаве, парин̃н̃а̄’’ти. дутийам̣.