7. сахетуаниччасуттам̣

18. са̄ваттхинида̄нам̣. ‘‘рӯпам̣, бхиккхаве, аниччам̣. йопи хету, йопи паччайо рӯпасса уппа̄да̄йа, сопи аниччо. аниччасамбхӯтам̣, бхиккхаве, рӯпам̣ куто ниччам̣ бхависсати! ведана̄ аничча̄. йопи хету, йопи паччайо ведана̄йа уппа̄да̄йа, сопи аниччо. аниччасамбхӯта̄, бхиккхаве, ведана̄ куто ничча̄ бхависсати! сан̃н̃а̄ аничча̄… сан̇кха̄ра̄ аничча̄. йопи хету йопи паччайо сан̇кха̄ра̄нам̣ уппа̄да̄йа, сопи аниччо. аниччасамбхӯта̄, бхиккхаве, сан̇кха̄ра̄ куто ничча̄ бхависсанти! вин̃н̃а̄н̣ам̣ аниччам̣. йопи хету йопи паччайо вин̃н̃а̄н̣асса уппа̄да̄йа, сопи аниччо. аниччасамбхӯтам̣, бхиккхаве, вин̃н̃а̄н̣ам̣ куто ниччам̣ бхависсати! евам̣ пассам̣…пе… на̄парам̣ иттхатта̄йа̄ти паджа̄на̄тӣ’’ти. саттамам̣.