3. татийасамудайадхаммасуттам̣

128. екам̣ самайам̣ а̄йасма̄ ча са̄рипутто а̄йасма̄ ча маха̄кот̣т̣хико ба̄ра̄н̣асийам̣ вихаранти исипатане мигада̄йе…пе… екамантам̣ нисинно кхо а̄йасма̄ маха̄кот̣т̣хико а̄йасмантам̣ са̄рипуттам̣ етадавоча – ‘‘‘виджджа̄, виджджа̄’ти, а̄вусо са̄рипутта, вуччати. катама̄ ну кхо, а̄вусо, виджджа̄, китта̄вата̄ ча виджджа̄гато хотӣ’’ти?

‘‘идха̄вусо, сутава̄ арийаса̄вако самудайадхаммам̣ рӯпам̣ ‘самудайадхаммам̣ рӯпа’нти йатха̄бхӯтам̣ паджа̄на̄ти; вайадхаммам̣ рӯпам̣…пе… самудайавайадхаммам̣ рӯпам̣ ‘самудайавайадхаммам̣ рӯпа’нти йатха̄бхӯтам̣ паджа̄на̄ти; самудайадхаммам̣ веданам̣…пе… самудайавайадхамма̄ ведана̄ … самудайадхаммам̣ сан̃н̃ам̣…пе… самудайадхамме сан̇кха̄ре… вайадхамме сан̇кха̄ре… самудайавайадхамме сан̇кха̄ре ‘самудайавайадхамма̄ сан̇кха̄ра̄’ти йатха̄бхӯтам̣ паджа̄на̄ти. самудайадхаммам̣ вин̃н̃а̄н̣ам̣… вайадхаммам̣ вин̃н̃а̄н̣ам̣… самудайавайадхаммам̣ вин̃н̃а̄н̣ам̣ ‘самудайавайадхаммам̣ вин̃н̃а̄н̣а’нти йатха̄бхӯтам̣ паджа̄на̄ти. айам̣ вуччата̄вусо, виджджа̄; етта̄вата̄ ча виджджа̄гато хотӣ’’ти. татийам̣.