2. дутийавагго

1. суван̣н̣апа̄тисуттам̣

167. са̄ваттхийам̣ вихарати…пе… ‘‘да̄рун̣о, бхиккхаве, ла̄бхасакка̄расилоко…пе… адхигама̄йа. идха̄хам̣, бхиккхаве, екаччам̣ пуггалам̣ евам̣ четаса̄ чето паричча паджа̄на̄ми – ‘на ча̄йама̄йасма̄ суван̣н̣апа̄тийа̄пи рӯпийачун̣н̣апарипӯра̄йа хету сампаджа̄намуса̄ бха̄сеййа̄’ти. таменам̣ пасса̄ми апарена самайена ла̄бхасакка̄расилокена абхибхӯтам̣ парийа̄дин̣н̣ачиттам̣ сампаджа̄намуса̄ бха̄сантам̣. евам̣ да̄рун̣о кхо, бхиккхаве, ла̄бхасакка̄расилоко…пе… еван̃хи во, бхиккхаве, сиккхитабба’’нти. пат̣хамам̣.

2. рӯпийапа̄тисуттам̣

168. са̄ваттхийам̣ вихарати…пе… ‘‘да̄рун̣о, бхиккхаве, ла̄бхасакка̄расилоко…пе… идха̄хам̣, бхиккхаве, екаччам̣ пуггалам̣ евам̣ четаса̄ чето паричча паджа̄на̄ми – ‘на ча̄йама̄йасма̄ рӯпийапа̄тийа̄пи суван̣н̣ачун̣н̣апарипӯра̄йа хету сампаджа̄намуса̄ бха̄сеййа̄’ти. таменам̣ пасса̄ми апарена самайена ла̄бхасакка̄расилокена абхибхӯтам̣ парийа̄дин̣н̣ачиттам̣ сампаджа̄намуса̄ бха̄сантам̣. евам̣ да̄рун̣о кхо, бхиккхаве, ла̄бхасакка̄расилоко…пе… еван̃хи во, бхиккхаве, сиккхитабба’’нти. дутийам̣.

3-10. суван̣н̣аниккхасутта̄диат̣т̣хакам̣

169. са̄ваттхийам̣ вихарати…пе… ‘‘идха̄хам̣, бхиккхаве, екаччам̣ пуггалам̣ евам̣ четаса̄ чето паричча паджа̄на̄ми – ‘на ча̄йама̄йасма̄ суван̣н̣аниккхасса̄пи хету…пе… суван̣н̣аниккхасатасса̄пи хету… син̇гӣниккхасса̄пи хету… син̇гӣниккхасатасса̄пи хету… патхавийа̄пи джа̄тарӯпапарипӯра̄йа хету… а̄мисакин̃чиккхахетупи… джӣвитахетупи… джанападакалйа̄н̣ийа̄пи хету сампаджа̄намуса̄ бха̄сеййа̄’ти. таменам̣ пасса̄ми апарена самайена ла̄бхасакка̄расилокена абхибхӯтам̣ парийа̄дин̣н̣ачиттам̣ сампаджа̄намуса̄ бха̄сантам̣. евам̣ да̄рун̣о кхо, бхиккхаве, ла̄бхасакка̄расилоко…пе… еван̃хи во, бхиккхаве, сиккхитабба’’нти. дасамам̣.

дутийо вагго.

тассудда̄нам̣ –

две па̄ти две суван̣н̣а̄ ча, син̇гӣхи апаре дуве;

патхавӣ кин̃чиккхаджӣвитам̣, джанападакалйа̄н̣ийа̄ даса̄ти.