3. каммапатхавагго

1. асама̄хитасуттам̣

107. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. ассаддха̄ ассаддхехи саддхим̣ сам̣санданти саменти; ахирика̄ ахирикехи саддхим̣ сам̣санданти саменти; аноттаппино аноттаппӣхи саддхим̣ сам̣санданти саменти; асама̄хита̄ асама̄хитехи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти’’.

‘‘саддха̄ саддхехи саддхим̣ сам̣санданти саменти; хиримана̄ хириманехи саддхим̣ сам̣санданти саменти; оттаппино оттаппӣхи саддхим̣ сам̣санданти саменти; сама̄хита̄ сама̄хитехи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саментӣ’’ти. пат̣хамам̣.

2. дуссӣласуттам̣

108. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. ассаддха̄ ассаддхехи саддхим̣ сам̣санданти саменти; ахирика̄ ахирикехи саддхим̣ сам̣санданти саменти; аноттаппино аноттаппӣхи саддхим̣ сам̣санданти саменти; дуссӣла̄ дуссӣлехи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти’’.

‘‘саддха̄ саддхехи саддхим̣ сам̣санданти саменти; хиримана̄ хириманехи саддхим̣ сам̣санданти саменти; оттаппино оттаппӣхи саддхим̣ сам̣санданти саменти; сӣлаванто сӣлавантехи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саментӣ’’ти. дутийам̣.

3. пан̃часиккха̄падасуттам̣

109. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. па̄н̣а̄типа̄тино па̄н̣а̄типа̄тӣхи саддхим̣ сам̣санданти саменти; адинна̄да̄йино адинна̄да̄йӣхи саддхим̣ сам̣санданти саменти; ка̄месумиччха̄ча̄рино ка̄месумиччха̄ча̄рӣхи саддхим̣ сам̣санданти саменти; муса̄ва̄дино муса̄ва̄дӣхи саддхим̣ сам̣санданти саменти; сура̄мерайамаджджаппама̄дат̣т̣ха̄йино сура̄мерайамаджджаппама̄дат̣т̣ха̄йӣхи саддхим̣ сам̣санданти саменти’’.

‘‘па̄н̣а̄типа̄та̄ пат̣ивирата̄ па̄н̣а̄типа̄та̄ пат̣ивиратехи саддхим̣ сам̣санданти саменти; адинна̄да̄на̄ пат̣ивирата̄ адинна̄да̄на̄ пат̣ивиратехи саддхим̣ сам̣санданти саменти; ка̄месумиччха̄ча̄ра̄ пат̣ивирата̄ ка̄месумиччха̄ча̄ра̄ пат̣ивиратехи саддхим̣ сам̣санданти саменти; муса̄ва̄да̄ пат̣ивирата̄ муса̄ва̄да̄ пат̣ивиратехи саддхим̣ сам̣санданти саменти; сура̄мерайамаджджаппама̄дат̣т̣ха̄на̄ пат̣ивирата̄ сура̄мерайамаджджаппама̄дат̣т̣ха̄на̄ пат̣ивиратехи саддхим̣ сам̣санданти саментӣ’’ти. татийам̣.

4. саттакаммапатхасуттам̣

110. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. па̄н̣а̄типа̄тино па̄н̣а̄типа̄тӣхи саддхим̣ сам̣санданти саменти; адинна̄да̄йино адинна̄да̄йӣхи саддхим̣ сам̣санданти саменти; ка̄месумиччха̄ча̄рино ка̄месумиччха̄ча̄рӣхи саддхим̣ сам̣санданти саменти; муса̄ва̄дино муса̄ва̄дӣхи саддхим̣ сам̣санданти саменти; писун̣ава̄ча̄ писун̣ава̄чехи саддхим̣ сам̣санданти саменти; пхарусава̄ча̄ пхарусава̄чехи саддхим̣ сам̣санданти саменти; сампхаппала̄пино сампхаппала̄пӣхи саддхим̣ сам̣санданти саменти’’.

‘‘па̄н̣а̄типа̄та̄ пат̣ивирата̄…пе… адинна̄да̄на̄ пат̣ивирата̄… ка̄месумиччха̄ча̄ра̄ пат̣ивирата̄… муса̄ва̄да̄ пат̣ивирата̄… писун̣а̄йа ва̄ча̄йа пат̣ивирата̄ писун̣а̄йа ва̄ча̄йа пат̣ивиратехи саддхим̣ сам̣санданти саменти; пхаруса̄йа ва̄ча̄йа пат̣ивирата̄ пхаруса̄йа ва̄ча̄йа пат̣ивиратехи саддхим̣ сам̣санданти саменти; сампхаппала̄па̄ пат̣ивирата̄ сампхаппала̄па̄ пат̣ивиратехи саддхим̣ сам̣санданти саментӣ’’ти. чатуттхам̣.

5. дасакаммапатхасуттам̣

111. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. па̄н̣а̄типа̄тино па̄н̣а̄типа̄тӣхи саддхим̣ сам̣санданти саменти; адинна̄да̄йино…пе… ка̄месумиччха̄ча̄рино… муса̄ва̄дино… писун̣ава̄ча̄… пхарусава̄ча̄… сампхаппала̄пино сампхаппала̄пӣхи саддхим̣ сам̣санданти саменти; абхиджджха̄луно абхиджджха̄лӯхи саддхим̣ сам̣санданти саменти; бйа̄панначитта̄ бйа̄панначиттехи саддхим̣ сам̣санданти саменти; миччха̄дит̣т̣хика̄ миччха̄дит̣т̣хикехи саддхим̣ сам̣санданти саменти’’.

‘‘па̄н̣а̄типа̄та̄ пат̣ивирата̄ па̄н̣а̄типа̄та̄ пат̣ивиратехи саддхим̣ сам̣санданти саменти; адинна̄да̄на̄ пат̣ивирата̄…пе… ка̄месумиччха̄ча̄ра̄ пат̣ивирата̄… муса̄ва̄да̄ пат̣ивирата̄… писун̣а̄йа ва̄ча̄йа… пхаруса̄йа ва̄ча̄йа… сампхаппала̄па̄ пат̣ивирата̄ сампхаппала̄па̄ пат̣ивиратехи саддхим̣ сам̣санданти саменти; анабхиджджха̄луно анабхиджджха̄лӯхи саддхим̣ сам̣санданти саменти; абйа̄панначитта̄ абйа̄панначиттехи саддхим̣ сам̣санданти саменти; самма̄дит̣т̣хика̄ самма̄дит̣т̣хикехи саддхим̣ сам̣санданти саментӣ’’ти. пан̃чамам̣.

6. ат̣т̣хан̇гикасуттам̣

112. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. миччха̄дит̣т̣хика̄ миччха̄дит̣т̣хикехи саддхим̣ сам̣санданти саменти; миччха̄сан̇каппа̄…пе… миччха̄ва̄ча̄… миччха̄камманта̄… миччха̄а̄джӣва̄… миччха̄ва̄йа̄ма̄… миччха̄сатино … миччха̄сама̄дхино миччха̄сама̄дхӣхи саддхим̣ сам̣санданти саменти. самма̄дит̣т̣хика̄ самма̄дит̣т̣хикехи саддхим̣ сам̣санданти саменти; самма̄сан̇каппа̄…пе… самма̄ва̄ча̄… самма̄камманта̄… самма̄а̄джӣва̄… самма̄ва̄йа̄ма̄… самма̄сатино… самма̄сама̄дхино самма̄сама̄дхӣхи саддхим̣ сам̣санданти саментӣ’’ти. чхат̣т̣хам̣.

7. дасан̇гасуттам̣

113. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. миччха̄дит̣т̣хика̄ миччха̄дит̣т̣хикехи саддхим̣ сам̣санданти саменти; миччха̄сан̇каппа̄…пе… миччха̄ва̄ча̄… миччха̄камманта̄… миччха̄а̄джӣва̄… миччха̄ва̄йа̄ма̄… миччха̄сатино … миччха̄сама̄дхино миччха̄сама̄дхӣхи саддхим̣ сам̣санданти саменти; миччха̄н̃а̄н̣ино миччха̄н̃а̄н̣ӣхи саддхим̣ сам̣санданти саменти; миччха̄вимуттино миччха̄вимуттӣхи саддхим̣ сам̣санданти саменти’’.

‘‘самма̄дит̣т̣хика̄ самма̄дит̣т̣хикехи саддхим̣ сам̣санданти саменти; самма̄сан̇каппа̄…пе… самма̄ва̄ча̄… самма̄камманта̄… самма̄а̄джӣва̄… самма̄ва̄йа̄ма̄… самма̄сатино… самма̄сама̄дхино… самма̄н̃а̄н̣ино самма̄н̃а̄н̣ӣхи саддхим̣ сам̣санданти саменти; самма̄вимуттино самма̄вимуттӣхи саддхим̣ сам̣санданти саментӣ’’ти. саттамам̣.

саттаннам̣ суттанта̄нам̣ удда̄нам̣ –

асама̄хитам̣ дуссӣлам̣, пан̃ча сиккха̄пада̄ни ча;

сатта каммапатха̄ вутта̄, дасакаммапатхена ча;

чхат̣т̣хам̣ ат̣т̣хан̇гико вутто, дасан̇гена ча саттамам̣.

каммапатхавагго татийо.