7. ассаддхасам̣санданасуттам̣

101. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. ассаддха̄ ассаддхехи саддхим̣ сам̣санданти саменти; ахирика̄ ахирикехи саддхим̣ сам̣санданти саменти; аноттаппино аноттаппӣхи саддхим̣ сам̣санданти саменти; аппассута̄ аппассутехи саддхим̣ сам̣санданти саменти; кусӣта̄ кусӣтехи саддхим̣ сам̣санданти саменти; мут̣т̣хассатино мут̣т̣хассатӣхи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти’’.

‘‘атӣтампи кхо, бхиккхаве, аддха̄нам̣ дха̄тусова сатта̄ сам̣сандим̣су самим̣су. ассаддха̄ ассаддхехи саддхим̣ сам̣сандим̣су самим̣су; ахирика̄ ахирикехи саддхим̣ сам̣сандим̣су самим̣су; аноттаппино аноттаппӣхи саддхим̣ сам̣сандим̣су самим̣су; аппассута̄ аппассутехи саддхим̣ сам̣сандим̣су самим̣су; кусӣта̄ кусӣтехи саддхим̣ сам̣сандим̣су самим̣су; мут̣т̣хассатино мут̣т̣хассатӣхи саддхим̣ сам̣сандим̣су самим̣су; дуппан̃н̃а̄ дуппан̃н̃ехи саддхим̣ сам̣сандим̣су самим̣су.

‘‘ана̄гатампи кхо, бхиккхаве, аддха̄нам̣ дха̄тусова сатта̄ сам̣сандиссанти самессанти. ассаддха̄ ассаддхехи саддхим̣ сам̣сандиссанти самессанти; ахирика̄ ахирикехи саддхим̣ сам̣сандиссанти самессанти; аноттаппино аноттаппӣхи саддхим̣…пе… аппассута̄ аппассутехи саддхим̣…пе… кусӣта̄ кусӣтехи саддхим̣…пе… мут̣т̣хассатино мут̣т̣хассатӣхи саддхим̣…пе… дуппан̃н̃а̄ дуппан̃н̃ехи саддхим̣ сам̣сандиссанти самессанти.

‘‘етарахипи кхо, бхиккхаве, паччуппаннам̣ аддха̄нам̣ дха̄тусова сатта̄ сам̣санданти саменти. ассаддха̄ ассаддхехи саддхим̣ сам̣санданти саменти; ахирика̄ ахирикехи саддхим̣…пе… аноттаппино аноттаппӣхи саддхим̣…пе… аппассута̄ аппассутехи саддхим̣…пе… кусӣта̄ кусӣтехи саддхим̣…пе… мут̣т̣хассатино мут̣т̣хассатӣхи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти.

‘‘дха̄тусова, бхиккхаве, сатта̄ сам̣санданти саменти. саддха̄ саддхехи саддхим̣ сам̣санданти саменти; хиримана̄ хириманехи саддхим̣ сам̣санданти саменти; оттаппино оттаппӣхи саддхим̣ сам̣санданти саменти; бахуссута̄ бахуссутехи саддхим̣ сам̣санданти саменти; а̄раддхавӣрийа̄ а̄раддхавӣрийехи саддхим̣ сам̣санданти саменти; упат̣т̣хитассатино упат̣т̣хитассатӣхи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саменти. атӣтампи кхо, бхиккхаве, аддха̄нам̣…пе… ана̄гатампи кхо, бхиккхаве…пе… етарахипи кхо, бхиккхаве, паччуппаннам̣ аддха̄нам̣ дха̄тусова сатта̄ сам̣санданти саменти. саддха̄ саддхехи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саментӣ’’ти. саттамам̣.