8. ассаддхамӯлакасуттам̣

102. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. ассаддха̄ ассаддхехи саддхим̣ сам̣санданти саменти; ахирика̄ ахирикехи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти; саддха̄ саддхехи саддхим̣ сам̣санданти саменти; хиримана̄ хириманехи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саменти. атӣтампи кхо, бхиккхаве, аддха̄нам̣ дха̄тусова сатта̄ сам̣сандим̣су самим̣су…пе… ана̄гатампи кхо, бхиккхаве, аддха̄нам̣ дха̄тусова сатта̄ сам̣сандиссанти самессанти…пе….

‘‘етарахипи кхо, бхиккхаве, паччуппаннам̣ аддха̄нам̣ дха̄тусова сатта̄ сам̣санданти саменти. ассаддха̄ ассаддхехи саддхим̣ сам̣санданти саменти; ахирика̄ ахирикехи саддхим̣ сам̣санданти саменти, дуппан̃н̃а̄ дуппан̃н̃ехи саддхим̣ сам̣санданти саменти; саддха̄ саддхехи саддхим̣ сам̣санданти саменти; хиримана̄ хириманехи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саментӣти. (1)

‘‘дха̄тусова, бхиккхаве, сатта̄ сам̣санданти саменти. ассаддха̄ ассаддхехи саддхим̣ сам̣санданти саменти; аноттаппино аноттаппӣхи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти; саддха̄ саддхехи саддхим̣ сам̣санданти саменти; оттаппино оттаппӣхи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саменти…пе… пат̣хамава̄ро вийа виттха̄ретаббо. (2)

‘‘дха̄тусова, бхиккхаве…пе… ассаддха̄ ассаддхехи саддхим̣ сам̣санданти саменти; аппассута̄ аппассутехи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти; саддха̄ саддхехи саддхим̣ сам̣санданти саменти; бахуссута̄ бахуссутехи саддхим̣ сам̣санданти саменти, пан̃н̃аванто пан̃н̃авантехи саддхим̣ сам̣санданти саменти…пе…. (3)

‘‘дха̄тусова, бхиккхаве…пе… ассаддха̄ ассаддхехи саддхим̣ сам̣санданти саменти; кусӣта̄ кусӣтехи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти; саддха̄ саддхехи саддхим̣ сам̣санданти саменти; а̄раддхавӣрийа̄ а̄раддхавӣрийехи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саменти…пе…. (4)

‘‘дха̄тусова, бхиккхаве…пе… ассаддха̄ ассаддхехи саддхим̣ сам̣санданти саменти; мут̣т̣хассатино мут̣т̣хассатӣхи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти; саддха̄ саддхехи саддхим̣ сам̣санданти саменти; упат̣т̣хитассатино упат̣т̣хитассатӣхи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саментӣти…пе…. ат̣т̣хамам̣. (5)