5. дутийаведана̄на̄наттасуттам̣

89. са̄ваттхийам̣ вихарати…пе… ‘‘дха̄туна̄наттам̣, бхиккхаве, пат̣ичча уппаджджати пхассана̄наттам̣, пхассана̄наттам̣ пат̣ичча уппаджджати ведана̄на̄наттам̣, но ведана̄на̄наттам̣ пат̣ичча уппаджджати пхассана̄наттам̣, но пхассана̄наттам̣ пат̣ичча уппаджджати дха̄туна̄наттам̣. катаман̃ча, бхиккхаве, дха̄туна̄наттам̣? чаккхудха̄ту…пе… манодха̄ту – идам̣ вуччати, бхиккхаве, дха̄туна̄наттам̣’’.

‘‘катхан̃ча, бхиккхаве, дха̄туна̄наттам̣ пат̣ичча уппаджджати пхассана̄наттам̣, пхассана̄наттам̣ пат̣ичча уппаджджати ведана̄на̄наттам̣, но ведана̄на̄наттам̣ пат̣ичча уппаджджати пхассана̄наттам̣, но пхассана̄наттам̣ пат̣ичча уппаджджати дха̄туна̄наттам̣? чаккхудха̄тум̣, бхиккхаве, пат̣ичча уппаджджати чаккхусампхассо, чаккхусампхассам̣ пат̣ичча уппаджджати чаккхусампхассаджа̄ ведана̄, но чаккхусампхассаджам̣ веданам̣ пат̣ичча уппаджджати чаккхусампхассо, но чаккхусампхассам̣ пат̣ичча уппаджджати чаккхудха̄ту…пе… манодха̄тум̣ пат̣ичча уппаджджати маносампхассо, маносампхассам̣ пат̣ичча уппаджджати маносампхассаджа̄ ведана̄, но маносампхассаджам̣ веданам̣ пат̣ичча уппаджджати маносампхассо, но маносампхассам̣ пат̣ичча уппаджджати манодха̄ту. евам̣ кхо, бхиккхаве, дха̄туна̄наттам̣ пат̣ичча уппаджджати пхассана̄наттам̣, пхассана̄наттам̣ пат̣ичча уппаджджати ведана̄на̄наттам̣, но ведана̄на̄наттам̣ пат̣ичча уппаджджати пхассана̄наттам̣, но пхассана̄наттам̣ пат̣ичча уппаджджати дха̄туна̄натта’’нти. пан̃чамам̣.