10. дутийаба̄хирапхассана̄наттасуттам̣

94. са̄ваттхийам̣ вихарати…пе… ‘‘дха̄туна̄наттам̣, бхиккхаве, пат̣ичча уппаджджати сан̃н̃а̄на̄наттам̣, сан̃н̃а̄на̄наттам̣ пат̣ичча уппаджджати сан̇каппана̄наттам̣, пхасса… ведана̄… чханда… парил̣а̄ха… парийесана̄на̄наттам̣ пат̣ичча уппаджджати ла̄бхана̄наттам̣; но ла̄бхана̄наттам̣ пат̣ичча уппаджджати парийесана̄на̄наттам̣, но парийесана̄на̄наттам̣ пат̣ичча уппаджджати парил̣а̄хана̄наттам̣, но парил̣а̄хана̄наттам̣ пат̣ичча уппаджджати…пе… чханда… ведана̄… пхасса… сан̇каппа… сан̃н̃а̄на̄наттам̣, но сан̃н̃а̄на̄наттам̣ пат̣ичча уппаджджати дха̄туна̄наттам̣. катаман̃ча, бхиккхаве, дха̄туна̄наттам̣? рӯпадха̄ту…пе… дхаммадха̄ту – идам̣ вуччати, бхиккхаве, дха̄туна̄наттам̣’’.

‘‘катхан̃ча, бхиккхаве, дха̄туна̄наттам̣ пат̣ичча уппаджджати сан̃н̃а̄на̄наттам̣, сан̃н̃а̄на̄наттам̣ пат̣ичча уппаджджати сан̇каппана̄наттам̣? пхасса… ведана̄… чханда… парил̣а̄ха… парийесана̄… ла̄бха… но ла̄бхана̄наттам̣ пат̣ичча уппаджджати парийесана̄на̄наттам̣, но парийесана̄на̄наттам̣ пат̣ичча уппаджджати парил̣а̄ха… чханда… ведана̄… пхасса… но сан̇каппана̄наттам̣ пат̣ичча уппаджджати сан̃н̃а̄на̄наттам̣, но сан̃н̃а̄на̄наттам̣ пат̣ичча уппаджджати дха̄туна̄наттам̣?

‘‘рӯпадха̄тум̣, бхиккхаве, пат̣ичча уппаджджати рӯпасан̃н̃а̄…пе… дхаммадха̄тум̣ пат̣ичча уппаджджати дхаммасан̃н̃а̄, дхаммасан̃н̃ам̣ пат̣ичча уппаджджати…пе… дхаммапарийесана̄, дхаммапарийесанам̣ пат̣ичча уппаджджати дхаммала̄бхо; но дхаммала̄бхам̣ пат̣ичча уппаджджати дхаммапарийесана̄, но дхаммапарийесанам̣ пат̣ичча уппаджджати дхаммапарил̣а̄хо, но дхаммапарил̣а̄хам̣ пат̣ичча уппаджджати дхаммаччхандо, но дхаммаччхандам̣ пат̣ичча уппаджджати дхаммасампхассаджа̄ ведана̄, но дхаммасампхассаджам̣ веданам̣ пат̣ичча уппаджджати дхаммасампхассо, но дхаммасампхассам̣ пат̣ичча уппаджджати дхаммасан̇каппо, но дхаммасан̇каппам̣ пат̣ичча уппаджджати дхаммасан̃н̃а̄, но дхаммасан̃н̃ам̣ пат̣ичча уппаджджати дхаммадха̄ту.

‘‘евам̣ кхо, бхиккхаве, дха̄туна̄наттам̣ пат̣ичча уппаджджати сан̃н̃а̄на̄наттам̣, сан̃н̃а̄на̄наттам̣ пат̣ичча уппаджджати…пе… сан̇каппа… пхасса… ведана̄… чханда… парил̣а̄ха… парийесана̄… ла̄бха… но ла̄бхана̄наттам̣ пат̣ичча уппаджджати парийесана̄на̄наттам̣, но парийесана̄на̄наттам̣ пат̣ичча уппаджджати парил̣а̄хана̄наттам̣, но парил̣а̄хана̄наттам̣ пат̣ичча уппаджджати чхандана̄наттам̣, но чхандана̄наттам̣ пат̣ичча уппаджджати ведана̄на̄наттам̣, но ведана̄на̄наттам̣ пат̣ичча уппаджджати пхассана̄наттам̣, но пхассана̄наттам̣ пат̣ичча уппаджджати сан̇каппана̄наттам̣, но сан̇каппана̄наттам̣ пат̣ичча уппаджджати сан̃н̃а̄на̄наттам̣, но сан̃н̃а̄на̄наттам̣ пат̣ичча уппаджджати дха̄туна̄натта’’нти. дасамам̣.

на̄наттавагго пат̣хамо.

тассудда̄нам̣ –

дха̄тупхассан̃ча но четам̣, ведана̄ апаре дуве;

етам̣ аджджхаттапан̃чакам̣, дха̄тусан̃н̃ан̃ча но четам̣;

пхассасса апаре дуве, етам̣ ба̄хирапан̃чаканти.