6. упава̄н̣асуттам̣

26. са̄ваттхийам̣ вихарати. атха кхо а̄йасма̄ упава̄н̣о йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо а̄йасма̄ упава̄н̣о бхагавантам̣ етадавоча –

‘‘санти, бханте, еке саман̣абра̄хман̣а̄ сайам̣катам̣ дуккхам̣ пан̃н̃апенти. санти пана, бханте, еке саман̣абра̄хман̣а̄ парам̣катам̣ дуккхам̣ пан̃н̃апенти. санти пана, бханте, еке саман̣абра̄хман̣а̄ сайам̣катан̃ча парам̣катан̃ча дуккхам̣ пан̃н̃апенти. санти пана, бханте, еке саман̣абра̄хман̣а̄ асайам̣ка̄рам̣ апарам̣ка̄рам̣ адхиччасамуппаннам̣ дуккхам̣ пан̃н̃апенти. идха но, бханте, бхагава̄ ким̣ва̄дӣ кимаккха̄йӣ катхам̣ бйа̄карама̄на̄ ча майам̣ вуттава̄дино чева бхагавато асса̄ма, на ча бхагавантам̣ абхӯтена аббха̄чиккхеййа̄ма, дхаммасса ча̄нудхаммам̣ бйа̄кареййа̄ма, на ча кочи сахадхаммико ва̄да̄нупа̄то га̄райхам̣ т̣ха̄нам̣ а̄гаччхеййа̄’’ти?

‘‘пат̣иччасамуппаннам̣ кхо, упава̄н̣а, дуккхам̣ вуттам̣ майа̄. ким̣ пат̣ичча? пхассам̣ пат̣ичча. ити вадам̣ вуттава̄дӣ чева ме асса, на ча мам̣ абхӯтена аббха̄чиккхеййа, дхаммасса ча̄нудхаммам̣ бйа̄кареййа, на ча кочи сахадхаммико ва̄да̄нупа̄то га̄райхам̣ т̣ха̄нам̣ а̄гаччхеййа.

‘‘татра, упава̄н̣а, йе те саман̣абра̄хман̣а̄ сайам̣катам̣ дуккхам̣ пан̃н̃апенти, тадапи пхассапаччайа̄. йепи те…пе… йепи те…пе… йепи те саман̣абра̄хман̣а̄ асайам̣ка̄рам̣ апарам̣ка̄рам̣ адхиччасамуппаннам̣ дуккхам̣ пан̃н̃апенти тадапи пхассапаччайа̄.

‘‘татра, упава̄н̣а, йе те саман̣абра̄хман̣а̄ сайам̣катам̣ дуккхам̣ пан̃н̃апенти, те вата ан̃н̃а пхасса̄ пат̣исам̣ведиссантӣти нетам̣ т̣ха̄нам̣ виджджати. йепи те…пе… йепи те…пе… йепи те саман̣абра̄хман̣а̄ асайам̣ка̄рам̣ апарам̣ка̄рам̣ адхиччасамуппаннам̣ дуккхам̣ пан̃н̃апенти, те вата ан̃н̃атра пхасса̄ пат̣исам̣ведиссантӣти нетам̣ т̣ха̄нам̣ виджджатӣ’’ти. чхат̣т̣хам̣.