4. дутийасаман̣абра̄хман̣асуттам̣

14. са̄ваттхийам̣ вихарати…пе… ‘‘йе хи кечи, бхиккхаве, саман̣а̄ ва̄ бра̄хман̣а̄ ва̄ име дхамме наппаджа̄нанти, имесам̣ дхамма̄нам̣ самудайам̣ наппаджа̄нанти, имесам̣ дхамма̄нам̣ ниродхам̣ наппаджа̄нанти, имесам̣ дхамма̄нам̣ ниродхага̄миним̣ пат̣ипадам̣ наппаджа̄нанти, катаме дхамме наппаджа̄нанти, катамесам̣ дхамма̄нам̣ самудайам̣ наппаджа̄нанти, катамесам̣ дхамма̄нам̣ ниродхам̣ наппаджа̄нанти, катамесам̣ дхамма̄нам̣ ниродхага̄миним̣ пат̣ипадам̣ наппаджа̄нанти’’?

‘‘джара̄маран̣ам̣ наппаджа̄нанти, джара̄маран̣асамудайам̣ наппаджа̄нанти, джара̄маран̣аниродхам̣ наппаджа̄нанти, джара̄маран̣аниродхага̄миним̣ пат̣ипадам̣ наппаджа̄нанти; джа̄тим̣…пе… бхавам̣… упа̄да̄нам̣… тан̣хам̣… веданам̣… пхассам̣… сал̣а̄йатанам̣… на̄марӯпам̣… вин̃н̃а̄н̣ам̣… сан̇кха̄ре наппаджа̄нанти, сан̇кха̄расамудайам̣ наппаджа̄нанти, сан̇кха̄раниродхам̣ наппаджа̄нанти, сан̇кха̄раниродхага̄миним̣ пат̣ипадам̣ наппаджа̄нанти. име дхамме наппаджа̄нанти, имесам̣ дхамма̄нам̣ самудайам̣ наппаджа̄нанти, имесам̣ дхамма̄нам̣ ниродхам̣ наппаджа̄нанти, имесам̣ дхамма̄нам̣ ниродхага̄миним̣ пат̣ипадам̣ наппаджа̄нанти. на ме те, бхиккхаве, саман̣а̄ ва̄ бра̄хман̣а̄ ва̄ саман̣есу ва̄ саман̣асаммата̄ бра̄хман̣есу ва̄ бра̄хман̣асаммата̄, на ча пана те а̄йасманто са̄ман̃н̃аттхам̣ ва̄ брахман̃н̃аттхам̣ ва̄ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихаранти.

‘‘йе ча кхо кечи, бхиккхаве, саман̣а̄ ва̄ бра̄хман̣а̄ ва̄ име дхамме паджа̄нанти, имесам̣ дхамма̄нам̣ самудайам̣ паджа̄нанти, имесам̣ дхамма̄нам̣ ниродхам̣ паджа̄нанти, имесам̣ дхамма̄нам̣ ниродхага̄миним̣ пат̣ипадам̣ паджа̄нанти, катаме дхамме паджа̄нанти, катамесам̣ дхамма̄нам̣ самудайам̣ паджа̄нанти, катамесам̣ дхамма̄нам̣ ниродхам̣ паджа̄нанти, катамесам̣ дхамма̄нам̣ ниродхага̄миним̣ пат̣ипадам̣ паджа̄нанти?

‘‘джара̄маран̣ам̣ паджа̄нанти, джара̄маран̣асамудайам̣ паджа̄нанти, джара̄маран̣аниродхам̣ паджа̄нанти, джара̄маран̣аниродхага̄миним̣ пат̣ипадам̣ паджа̄нанти; джа̄тим̣…пе… бхавам̣… упа̄да̄нам̣… тан̣хам̣… веданам̣… пхассам̣… сал̣а̄йатанам̣… на̄марӯпам̣… вин̃н̃а̄н̣ам̣… сан̇кха̄ре паджа̄нанти, сан̇кха̄расамудайам̣ паджа̄нанти, сан̇кха̄раниродхам̣ паджа̄нанти, сан̇кха̄раниродхага̄миним̣ пат̣ипадам̣ паджа̄нанти. име дхамме паджа̄нанти, имесам̣ дхамма̄нам̣ самудайам̣ паджа̄нанти, имесам̣ дхамма̄нам̣ ниродхам̣ паджа̄нанти, имесам̣ дхамма̄нам̣ ниродхага̄миним̣ пат̣ипадам̣ паджа̄нанти. те кхо ме, бхиккхаве, саман̣а̄ ва̄ бра̄хман̣а̄ ва̄ саман̣есу чева саман̣асаммата̄, бра̄хман̣есу ча бра̄хман̣асаммата̄. те ча пана̄йасманто са̄ман̃н̃аттхан̃ча брахман̃н̃аттхан̃ча дит̣т̣хева дхамме сайам̣ абхин̃н̃а̄ саччхикатва̄ упасампаджджа вихарантӣ’’ти. чатуттхам̣.