8. кулагхаран̣ӣсуттам̣

228. екам̣ самайам̣ ан̃н̃атаро бхиккху косалесу вихарати ан̃н̃атарасмим̣ ванасан̣д̣е. тена кхо пана самайена со бхиккху ан̃н̃атарасмим̣ куле ативелам̣ аджджхога̄л̣хаппатто вихарати. атха кхо йа̄ тасмим̣ ванасан̣д̣е адхиваттха̄ девата̄ тасса бхиккхуно анукампика̄ аттхака̄ма̄ там̣ бхиккхум̣ сам̣веджетука̄ма̄ йа̄ тасмим̣ куле кулагхаран̣ӣ, тасса̄ ван̣н̣ам̣ абхинимминитва̄ йена со бхиккху тенупасан̇ками; упасан̇камитва̄ там̣ бхиккхум̣ га̄тха̄йа аджджхабха̄си –

‘‘надӣтӣресу сан̣т̣ха̄не, сабха̄су ратхийа̄су ча;

джана̄ сан̇гамма мантенти, ман̃ча тан̃ча [тван̃ча (ка.)] кимантара’’нти.

‘‘бахӯхи садда̄ паччӯха̄, кхамитабба̄ тапассина̄;

на тена ман̇ку хотаббам̣, на хи тена килиссати.

‘‘йо ча саддапаритта̄сӣ, ване ва̄тамиго йатха̄;

лахучиттоти там̣ а̄ху, на̄сса сампаджджате вата’’нти.