1. пат̣хамакассапасуттам̣

82. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. атха кхо кассапо девапутто абхикканта̄йа раттийа̄ абхиккантаван̣н̣о кевалакаппам̣ джетаванам̣ обха̄сетва̄ йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ ат̣т̣ха̄си. екамантам̣ т̣хито кхо кассапо девапутто бхагавантам̣ етадавоча – ‘‘бхиккхум̣ бхагава̄ пака̄сеси, но ча бхиккхуно ануса̄са’’нти. ‘‘тена хи кассапа, тан̃н̃еветтха пат̣ибха̄тӯ’’ти.

‘‘субха̄ситасса сиккхетха, саман̣ӯпа̄санасса ча;

ека̄санасса ча рахо, читтавӯпасамасса ча̄’’ти.

идамавоча кассапо девапутто; саманун̃н̃о саттха̄ ахоси. атха кхо кассапо девапутто ‘‘саманун̃н̃о ме саттха̄’’ти бхагавантам̣ абхива̄детва̄ падаккхин̣ам̣ катва̄ таттхевантарадха̄йӣти.