9. пат̣хамасукка̄суттам̣

243. екам̣ самайам̣ бхагава̄ ра̄джагахе вихарати вел̣уване каландаканива̄пе. тена кхо пана самайена сукка̄ бхиккхунӣ махатийа̄ париса̄йа паривута̄ дхаммам̣ десети. атха кхо сукка̄йа бхиккхунийа̄ абхиппасанно йаккхо ра̄джагахе ратхика̄йа ратхикам̣ син̇гха̄т̣акена син̇гха̄т̣акам̣ упасан̇камитва̄ та̄йам̣ вела̄йам̣ има̄ га̄тха̄йо абха̄си –

‘‘ким̣ ме ката̄ ра̄джагахе манусса̄, мадхупӣта̄ва сейаре;

йе суккам̣ на пайирупа̄санти, десентим̣ аматам̣ падам̣.

‘‘тан̃ча пана аппат̣ива̄нӣйам̣, асечанакамоджавам̣;

пиванти ман̃н̃е саппан̃н̃а̄, вала̄хакамива пантхагӯ’’ти [вала̄хакамиваддхагӯти (сӣ.)].