5. са̄нусуттам̣

239. екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена ан̃н̃атарисса̄ упа̄сика̄йа са̄ну на̄ма путто йаккхена гахито хоти. атха кхо са̄ упа̄сика̄ паридевама̄на̄ та̄йам̣ вела̄йам̣ има̄ га̄тха̄йо абха̄си –

‘‘ча̄туддасим̣ пан̃чадасим̣, йа̄ ча паккхасса ат̣т̣хамӣ;

па̄т̣иха̄рийапаккхан̃ча, ат̣т̣хан̇гасусама̄гатам̣.

‘‘упосатхам̣ упавасанти, брахмачарийам̣ чаранти йе;

на техи йаккха̄ кӣл̣анти, ити ме арахатам̣ сутам̣;

са̄ да̄ни аджджа пасса̄ми, йаккха̄ кӣл̣анти са̄нуна̄’’ти.

‘‘ча̄туддасим̣ пан̃чадасим̣, йа̄ ча паккхасса ат̣т̣хамӣ;

па̄т̣иха̄рийапаккхан̃ча, ат̣т̣хан̇гасусама̄гатам̣;

упосатхам̣ упавасанти, брахмачарийам̣ чаранти йе.

‘‘на техи йаккха̄ кӣл̣анти, са̄ху те арахатам̣ сутам̣;

са̄нум̣ пабуддхам̣ ваджджа̄си, йаккха̄нам̣ вачанам̣ идам̣;

ма̄ка̄си па̄пакам̣ каммам̣, а̄ви ва̄ йади ва̄ рахо.

‘‘саче ча [сачева (сйа̄. кам̣. пӣ. ка.), йан̃чева (сӣ.)] па̄пакам̣ каммам̣, кариссаси кароси ва̄;

на те дуккха̄ памутйаттхи, уппачча̄пи пала̄йато’’ти.

‘‘матам̣ ва̄ амма роданти, йо ва̄ джӣвам̣ на диссати;

джӣвантам̣ амма пассантӣ, касма̄ мам̣ амма родасӣ’’ти.

‘‘матам̣ ва̄ путта роданти, йо ва̄ джӣвам̣ на диссати;

йо ча ка̄ме чаджитва̄на, пунара̄гаччхате идха;

там̣ ва̄пи путта роданти, пуна джӣвам̣ мато хи со.

‘‘куккул̣а̄ уббхато та̄та, куккул̣ам̣ [куккул̣е (сӣ.)] патитумиччхаси;

нарака̄ уббхато та̄та, наракам̣ патитумиччхаси.

‘‘абхидха̄ватха бхадданте, касса уджджха̄пайа̄масе;

а̄дитта̄ нӣхатам̣ [ниббхатам̣ (сйа̄. кам̣. ка.), нибхатам̣ (пӣ. ка.)] бхан̣д̣ам̣, пуна д̣айхитумиччхасӣ’’ти.