1. индакасуттам̣

235. евам̣ ме сутам̣ – екам̣ самайам̣ бхагава̄ ра̄джагахе вихарати индакӯт̣е паббате, индакасса йаккхасса бхаване. атха кхо индако йаккхо йена бхагава̄ тенупасан̇ками; упасан̇камитва̄ бхагавантам̣ га̄тха̄йа аджджхабха̄си –

‘‘рӯпам̣ на джӣванти ваданти буддха̄, катхам̣ нвайам̣ виндатимам̣ сарӣрам̣;

кутасса ат̣т̣хӣйакапин̣д̣амети, катхам̣ нвайам̣ саджджати габбхарасми’’нти.

‘‘пат̣хамам̣ калалам̣ хоти, калала̄ хоти аббудам̣;

аббуда̄ джа̄йате песи, песи ниббаттатӣ гхано;

гхана̄ паса̄кха̄ джа̄йанти, кеса̄ лома̄ накха̄пи ча.

‘‘йан̃часса бхун̃джатӣ ма̄та̄, аннам̣ па̄нан̃ча бходжанам̣;

тена со таттха йа̄пети, ма̄тукуччхигато наро’’ти.