10. пат̣хамана̄гавима̄наваттху

961. ‘‘сусуккакхандхам̣ абхируйха на̄гам̣, ака̄чинам̣ дантим̣ балим̣ маха̄джавам̣;

абхируйха гаджаварам̣ [гаджам̣ варам̣ (сйа̄.)] сукаппитам̣, идха̄гама̄ веха̄йасам̣ анталиккхе.

962. ‘‘на̄гасса дантесу дувесу ниммита̄, аччходака̄ падуминийо супхулла̄;

падумесу ча турийаган̣а̄ паваджджаре, има̄ ча наччанти манохара̄йо.

963. ‘‘девиддхипаттоси маха̄нубха̄во, мануссабхӯто кимака̄си пун̃н̃ам̣;

кена̄си евам̣ джалита̄нубха̄во, ван̣н̣о ча те саббадиса̄ пабха̄сатӣ’’ти.

964. со девапутто аттамано, моггалла̄нена пуччхито;

пан̃хам̣ пут̣т̣хо вийа̄ка̄си, йасса каммассидам̣ пхалам̣.

965. ‘‘ат̣т̣хева муттапуппха̄ни, кассапасса махесино [бхагавато (сйа̄. ка.)];

тхӯпасмим̣ абхиропесим̣, пасанно сехи па̄н̣ибхи.

966. ‘‘тена мета̄дисо ван̣н̣о…пе…ван̣н̣о ча ме саббадиса̄ пабха̄сатӣ’’ти.

пат̣хамана̄гавима̄нам̣ дасамам̣.