11. дутийана̄гавима̄наваттху

968. ‘‘махантам̣ на̄гам̣ абхируйха, саббасетам̣ гаджуттамам̣;

вана̄ ванам̣ анупарийа̄си, на̄рӣган̣апураккхато;

обха̄сенто диса̄ сабба̄, осадхӣ вийа та̄рака̄.

969. ‘‘кена тета̄дисо ван̣н̣о…пе…ван̣н̣о ча те саббадиса̄ пабха̄сатӣ’’ти.

971. со девапутто аттамано, ван̇гӣсенева пуччхито;

пан̃хам̣ пут̣т̣хо вийа̄ка̄си, йасса каммассидам̣ пхалам̣.

972. ‘‘ахам̣ мануссесу мануссабхӯто, упа̄сако чаккхумато ахосим̣;

па̄н̣а̄типа̄та̄ вирато ахосим̣, локе адиннам̣ париваджджайиссам̣.

973. ‘‘амаджджапо но ча муса̄ абха̄н̣им̣ [абха̄сим̣ (сӣ. ка.)], сакена да̄рена ча тут̣т̣хо ахосим̣;

аннан̃ча па̄нан̃ча пасанначитто, саккачча да̄нам̣ випулам̣ ада̄сим̣.

974. ‘‘тена мета̄дисо ван̣н̣о…пе…ван̣н̣о ча ме саббадиса̄ пабха̄сатӣ’’ти.

дутийана̄гавима̄нам̣ ека̄дасамам̣.