9. джат̣иласуттам̣

9. евам̣ ме сутам̣ – екам̣ самайам̣ бхагава̄ гайа̄йам̣ вихарати гайа̄сӣсе. тена кхо пана самайена самбахула̄ джат̣ила̄ сӣта̄су хемантика̄су раттӣсу антарат̣т̣хаке химапа̄тасамайе гайа̄йам̣ уммуджджантипи нимуджджантипи, уммуджджанимуджджампи каронти осин̃чантипи, аггимпи джуханти – ‘‘имина̄ суддхӣ’’ти.

аддаса̄ кхо бхагава̄ те самбахуле джат̣иле сӣта̄су хемантика̄су раттӣсу антарат̣т̣хаке химапа̄тасамайе гайа̄йам̣ уммуджджантепи нимуджджантепи уммуджджанимуджджампи каронте [уммуджджанимуджджам̣ каронтепи (сӣ. пӣ. ка.)] осин̃чантепи аггимпи джуханте – ‘‘имина̄ суддхӣ’’ти.

атха кхо бхагава̄ етаматтхам̣ видитва̄ та̄йам̣ вела̄йам̣ имам̣ уда̄нам̣ уда̄неси –

‘‘на удакена сучӣ хотӣ, бахветтха нха̄йатӣ [наха̄йатӣ (сӣ.)] джано;

йамхи саччан̃ча дхаммо ча, со сучӣ со ча бра̄хман̣о’’ти. навамам̣;