7. аджакала̄пакасуттам̣

7. евам̣ ме сутам̣ – екам̣ самайам̣ бхагава̄ па̄ва̄йам̣ [па̄т̣алийам̣ (пӣ.)] вихарати аджакала̄паке четийе, аджакала̄пакасса йаккхасса бхаване. тена кхо пана самайена бхагава̄ раттандхака̄ратимиса̄йам̣ аббхока̄се нисинно хоти; дево ча екамекам̣ пхуса̄йати. атха кхо аджакала̄пако йаккхо бхагавато бхайам̣ чхамбхитаттам̣ ломахам̣сам̣ уппа̄детука̄мо йена бхагава̄ тенупасан̇ками; упасан̇камитва̄ бхагавато авидӯре тиккхаттум̣ ‘‘аккуло паккуло’’ти аккулапаккуликам̣ ака̄си – ‘‘есо те, саман̣а, писа̄чо’’ти.

атха кхо бхагава̄ етаматтхам̣ видитва̄ та̄йам̣ вела̄йам̣ имам̣ уда̄нам̣ уда̄неси –

‘‘йада̄ сакесу дхаммесу, па̄рагӯ хоти бра̄хман̣о;

атха етам̣ писа̄чан̃ча, паккулан̃ча̄тиваттатӣ’’ти. саттамам̣;