10. кан̣хадиннаттхерага̄тха̄

179. ‘‘упа̄сита̄ саппуриса̄, сута̄ дхамма̄ абхин̣хасо;

сутва̄на пат̣ипаджджиссам̣, ан̃джасам̣ аматогадхам̣.

180. ‘‘бхавара̄гахатасса ме сато, бхавара̄го пуна ме на виджджати;

на ча̄ху на ча ме бхависсати, на ча ме етарахи виджджатӣ’’ти.

… кан̣хадинно тхеро….

вагго татийо нит̣т̣хито.

тассудда̄нам̣ –

уттаро бхаддаджиттхеро, собхито валлийо иси;

вӣтасоко ча йо тхеро, пун̣н̣ама̄со ча нандако;

бхарато бха̄радва̄джо ча, кан̣хадинно маха̄мунӣти.