6. джара̄суттам̣

810. аппам̣ вата джӣвитам̣ идам̣, орам̣ вассасата̄пи миййати [мӣйати (сӣ. ат̣т̣ха.)];

йо чепи атичча джӣвати, атха кхо со джараса̄пи миййати.

811. сочанти джана̄ мама̄йите, на хи санти [на хи санта̄ (сӣ.), на хӣ санти (каттхачи)] ничча̄ париггаха̄;

вина̄бха̄васантамевидам̣, ити дисва̄ на̄га̄рама̄васе.

812. маран̣енапи там̣ пахӣйати [пахиййати (сӣ. сйа̄. ка.)], йам̣ пурисо мамиданти [мамайиданти (сӣ. сйа̄. ка.), мама̄йанти (ка.)] ман̃н̃ати;

етампи видитва̄ [етам̣ дисва̄на (ниддесе), етампи видитва (?)] пан̣д̣ито, на маматта̄йа наметха ма̄мако.

813. супинена йатха̄пи сан̇гатам̣, пат̣ибуддхо пурисо на пассати;

евампи пийа̄йитам̣ джанам̣, петам̣ ка̄лакатам̣ на пассати.

814. дит̣т̣ха̄пи сута̄пи те джана̄, йесам̣ на̄мамидам̣ павуччати [на̄мамева̄ васиссати (сӣ. сйа̄. пӣ.)];

на̄мам̣йева̄васиссати, аккхеййам̣ петасса джантуно.

815. сокаппаридевамаччхарам̣ [сокапаридевамаччхарам̣ (сӣ. сйа̄. пӣ.), сокам̣ паридевамаччхарам̣ (?)], на джаханти гиддха̄ мама̄йите;

тасма̄ мунайо париггахам̣, хитва̄ ачарим̣су кхемадассино.

816. патилӣначарасса бхиккхуно, бхаджама̄насса вивиттама̄санам̣;

са̄маггийама̄ху тасса там̣, йо атта̄нам̣ бхаване на дассайе.

817. саббаттха мунӣ аниссито, на пийам̣ куббати нопи аппийам̣;

тасмим̣ паридевамаччхарам̣, пан̣н̣е ва̄ри йатха̄ на лимпати [липпати (сӣ. пӣ.)].

818. удабинду йатха̄пи поккхаре, падуме ва̄ри йатха̄ на лимпати;

евам̣ муни нопалимпати, йадидам̣ дит̣т̣хасутам̣ мутесу ва̄.

819. дхоно на хи тена ман̃н̃ати, йадидам̣ дит̣т̣хасутам̣ мутесу ва̄;

на̄н̃н̃ена висуддхимиччхати, на хи со раджджати но вираджджатӣти.

джара̄суттам̣ чхат̣т̣хам̣ нит̣т̣хитам̣.