8. на̄ва̄суттам̣

318. йасма̄ хи дхаммам̣ пурисо виджан̃н̃а̄, индам̣ва нам̣ девата̄ пӯджайеййа;

со пӯджито тасми пасанначитто, бахуссуто па̄тукароти дхаммам̣.

319. тадат̣т̣хикатва̄на нисамма дхӣро, дхамма̄нудхаммам̣ пат̣ипаджджама̄но;

вин̃н̃ӯ вибха̄вӣ нипун̣о ча хоти, йо та̄дисам̣ бхаджати аппаматто.

320. кхуддан̃ча ба̄лам̣ упасевама̄но, ана̄гататтхан̃ча усӯйакан̃ча;

идхева дхаммам̣ авибха̄вайитва̄, авитин̣н̣акан̇кхо маран̣ам̣ упети.

321. йатха̄ наро а̄пагамотаритва̄, маходакам̣ салилам̣ сӣгхасотам̣;

со вуйхама̄но анусотага̄мӣ, ким̣ со паре саккхати та̄райетум̣.

322. татхева дхаммам̣ авибха̄вайитва̄, бахуссута̄нам̣ аниса̄майаттхам̣;

сайам̣ аджа̄нам̣ авитин̣н̣акан̇кхо, ким̣ со паре саккхати ниджджхапетум̣.

323. йатха̄пи на̄вам̣ дал̣хама̄рухитва̄, пхийена [пийена (сӣ. сйа̄.)] риттена саман̇гибхӯто;

со та̄райе таттха бахӯпи ан̃н̃е, татрӯпайан̃н̃ӯ кусало мутӣма̄ [матӣма̄ (сйа̄. ка.)].

324. евампи йо ведагу бха̄витатто, бахуссуто хоти аведхадхаммо;

со кхо паре ниджджхапайе паджа̄нам̣, сота̄вадха̄нӯпанисӯпапанне.

325. тасма̄ хаве саппурисам̣ бхаджетха, медха̄винан̃чева бахуссутан̃ча;

ан̃н̃а̄йа аттхам̣ пат̣ипаджджама̄но, вин̃н̃а̄тадхаммо са сукхам̣ [со сукхам̣ (сӣ.)] лабхетха̄ти.

на̄ва̄суттам̣ ат̣т̣хамам̣ нит̣т̣хитам̣.