6. кума̄рапетаваттху

746. ‘‘са̄ваттхи на̄ма нагарам̣, химавантасса пассато;

таттха а̄сум̣ две кума̄ра̄, ра̄джапутта̄ти ме сутам̣.

747. ‘‘самматта̄ [паматта̄ (ка.)] раджанӣйесу, ка̄масса̄да̄бхинандино;

паччуппаннасукхе гиддха̄, на те пассим̣суна̄гатам̣.

748. ‘‘те чута̄ ча мануссатта̄, паралокам̣ ито гата̄;

тедха гхосентйадиссанта̄, пуббе дуккат̣аматтано.

749. ‘‘‘бахӯсу вата [бахуссутесу (сӣ. ка.)] сантесу, деййадхамме упат̣т̣хите;

на̄саккхимха̄ ча атта̄нам̣, париттам̣ ка̄тум̣ сукха̄вахам̣.

750. ‘‘‘ким̣ тато па̄пакам̣ асса, йам̣ но ра̄джакула̄ чута̄;

упапанна̄ петтивисайам̣, кхуппипа̄сасамаппита̄ [кхуппипа̄са̄самаппита̄ (сӣ. пӣ.)].

751. ‘‘са̄мино идха хутва̄на, хонти аса̄мино тахим̣;

бхаманти [чаранти (сӣ. пӣ.), маранти (сйа̄.)] кхуппипа̄са̄йа, манусса̄ уннатоната̄.

752. ‘‘етама̄дӣнавам̣ н̃атва̄, иссарамадасамбхавам̣;

паха̄йа иссарамадам̣, бхаве саггагато наро;

ка̄йасса бхеда̄ саппан̃н̃о, саггам̣ со упападжджатӣ’’ти.

кума̄рапетаваттху чхат̣т̣хам̣.