5. уччхупетаваттху

737. ‘‘идам̣ мама уччхуванам̣ махантам̣, ниббаттати пун̃н̃апхалам̣ анаппакам̣;

там̣ да̄ни ме на [на да̄ни ме там̣ (сӣ. ка.)] парибхогамети, а̄чиккха бханте кисса айам̣ випа̄ко.

738. ‘‘хан̃н̃а̄ми [вихан̃н̃а̄ми (ка.)] кхаджджа̄ми ча ва̄йама̄ми, парисакка̄ми парибхун̃джитум̣ кин̃чи;

сва̄хам̣ чхиннатха̄мо капан̣о ла̄лапа̄ми, кисса [киссасса (сӣ.), киссассу (?)] каммасса айам̣ випа̄ко.

739. ‘‘вигха̄то ча̄хам̣ парипата̄ми чхама̄йам̣, париватта̄ми ва̄ричарова гхамме;

рудато ча ме [дӯрато ча ме (сйа̄. ка.)] ассука̄ ниггаланти, а̄чиккха бханте кисса айам̣ випа̄ко.

740. ‘‘чха̄то киланто ча пипа̄сито ча, сантассито са̄тасукхам̣ на винде;

пуччха̄ми там̣ етаматтхам̣ бхаданте, катхам̣ ну уччхупарибхогам̣ лабхеййа’’нти.

741. ‘‘пуре тувам̣ каммамака̄си аттана̄, мануссабхӯто пурима̄йа джа̄тийа̄;

ахан̃ча там̣ етаматтхам̣ вада̄ми, сутва̄на твам̣ етаматтхам̣ виджа̄на.

742. ‘‘уччхум̣ тувам̣ кха̄дама̄но пайа̄то, пурисо ча те пит̣т̣хито анвагаччхи;

со ча там̣ пачча̄санто катхеси, тасса тувам̣ на кин̃чи а̄лапиттха.

743. ‘‘со ча там̣ абхан̣антам̣ айа̄чи, ‘дехаййа уччху’нти ча там̣ авоча;

тасса тувам̣ пит̣т̣хито уччхум̣ ада̄си, тассетам̣ каммасса айам̣ випа̄ко.

744. ‘‘ин̇гха твам̣ гантва̄на пит̣т̣хито ган̣хеййа̄си [ин̇гха твам̣ пит̣т̣хито ган̣ха уччхум̣ (сӣ.)], гахетва̄на там̣ кха̄дассу йа̄вадаттхам̣;

тенева твам̣ аттамано бхависсаси, хат̣т̣хо чудагго ча памодито ча̄’’ти.

745. гантва̄на со пит̣т̣хито аггахеси, гахетва̄на там̣ кха̄ди йа̄вадаттхам̣;

тенева со аттамано ахоси, хат̣т̣хо чудагго ча памодито ча̄ти.

уччхупетаваттху пан̃чамам̣.