8. гон̣апетаваттху

46. ‘‘ким̣ ну умматтарӯпова, ла̄йитва̄ харитам̣ тин̣ам̣;

кха̄да кха̄да̄ти лапаси, гатасаттам̣ джараггавам̣.

47. ‘‘на хи аннена па̄нена, мато гон̣о самут̣т̣хахе;

твам̣си ба̄ло ча [ба̄лова (ка.)] думмедхо, йатха̄ тан̃н̃ова думматӣ’’ти.

48. ‘‘име па̄да̄ идам̣ сӣсам̣, айам̣ ка̄йо сава̄ладхи;

нетта̄ татхева тит̣т̣ханти, айам̣ гон̣о самут̣т̣хахе.

49. ‘‘на̄ййакасса хаттхапа̄да̄, ка̄йо сӣсан̃ча диссати;

рудам̣ маттикатхӯпасмим̣, нану тван̃н̃ева думматӣ’’ти.

50. ‘‘а̄диттам̣ вата мам̣ сантам̣, гхатаситтам̣ва па̄вакам̣;

ва̄рина̄ вийа осин̃чам̣, саббам̣ нибба̄пайе дарам̣.

51. ‘‘аббахӣ [аббӯл̣хам̣ (бахӯсу)] вата ме саллам̣, сокам̣ хадайанисситам̣;

йо ме сокапаретасса, питусокам̣ апа̄нуди.

52. ‘‘сва̄хам̣ аббӯл̣хасаллосми, сӣтибхӯтосми ниббуто;

на соча̄ми на рода̄ми, тава сутва̄на ма̄н̣ава’.

53. евам̣ каронти саппан̃н̃а̄, йе хонти анукампака̄;

виниваттайанти сокамха̄, суджа̄то питарам̣ йатха̄ти.

гон̣апетаваттху ат̣т̣хамам̣.