9. маха̄песака̄рапетиваттху

54. ‘‘гӯтхан̃ча муттам̣ рухиран̃ча пуббам̣, парибхун̃джати кисса айам̣ випа̄ко;

айам̣ ну ким̣ каммамака̄си на̄рӣ, йа̄ саббада̄ лохитапуббабхаккха̄.

55. ‘‘нава̄ни ваттха̄ни субха̄ни чева, мудӯни суддха̄ни ча ломаса̄ни;

динна̄ни мисса̄ китака̄ [кит̣ака̄ (ка.)] бхаванти, айам̣ ну ким̣ каммамака̄си на̄рӣ’’ти.

56. ‘‘бхарийа̄ мамеса̄ ахӯ бхаданте, ада̄йика̄ маччхаринӣ кадарийа̄;

са̄ мам̣ дадантам̣ саман̣абра̄хман̣а̄нам̣, аккосати ча парибха̄сати ча.

57. ‘‘‘гӯтхан̃ча муттам̣ рухиран̃ча пуббам̣, парибхун̃джа твам̣ асучим̣ саббака̄лам̣;

етам̣ те паралокасмим̣ хоту, ваттха̄ ча те кит̣акасама̄ бхаванту’;

ета̄дисам̣ дуччаритам̣ чаритва̄, идха̄гата̄ чираратта̄йа кха̄датӣ’’ти.

маха̄песака̄рапетиваттху навамам̣.