1. магган̇ганиддесо

24. самма̄дит̣т̣хийа̄ пан̃ча вивека̄, пан̃ча вира̄га̄, пан̃ча ниродха̄, пан̃ча воссагга̄, два̄даса ниссайа̄. самма̄сан̇каппасса…пе… самма̄ва̄ча̄йа… самма̄каммантасса… самма̄а̄джӣвасса… самма̄ва̄йа̄масса… самма̄сатийа̄… самма̄сама̄дхисса пан̃ча вивека̄, пан̃ча вира̄га̄, пан̃ча ниродха̄, пан̃ча воссагга̄, два̄даса ниссайа̄.

самма̄дит̣т̣хийа̄ катаме пан̃ча вивека̄? виккхамбханавивеко, тадан̇гавивеко самуччхедавивеко, пат̣иппассаддхививеко, ниссаран̣авивеко. виккхамбханавивеко ча нӣваран̣а̄нам̣ пат̣хамаджджха̄нам̣ бха̄вайато, тадан̇гавивеко ча дит̣т̣хигата̄нам̣ ниббедхабха̄гийам̣ сама̄дхим̣ бха̄вайато, самуччхедавивеко ча локуттарам̣ кхайага̄мимаггам̣ бха̄вайато, пат̣иппассаддхививеко ча пхалаккхан̣е, ниссаран̣авивеко ча ниродхо нибба̄нам̣. самма̄дит̣т̣хийа̄ име пан̃ча вивека̄. имесу пан̃часу вивекесу чхандаджа̄то хоти саддха̄дхимутто, читтан̃часса сва̄дхит̣т̣хитам̣.

самма̄дит̣т̣хийа̄ катаме пан̃ча вира̄га̄? виккхамбханавира̄го, тадан̇гавира̄го, самуччхедавира̄го, пат̣иппассаддхивира̄го, ниссаран̣авира̄го. виккхамбханавира̄го ча нӣваран̣а̄нам̣ пат̣хамаджджха̄нам̣ бха̄вайато, тадан̇гавира̄го ча дит̣т̣хигата̄нам̣ ниббедхабха̄гийам̣ сама̄дхим̣ бха̄вайато, самуччхедавира̄го ча локуттарам̣ кхайага̄мимаггам̣ бха̄вайато, пат̣иппассаддхивира̄го ча пхалаккхан̣е, ниссаран̣авира̄го ча ниродхо нибба̄нам̣. самма̄дит̣т̣хийа̄ име пан̃ча вира̄га̄. имесу пан̃часу вира̄гесу чхандаджа̄то хоти саддха̄дхимутто, читтан̃часса сва̄дхит̣т̣хитам̣.

самма̄дит̣т̣хийа̄ катаме пан̃ча ниродха̄? виккхамбхананиродхо, тадан̇ганиродхо, самуччхеданиродхо, пат̣иппассаддхиниродхо, ниссаран̣аниродхо. виккхамбхананиродхо ча нӣваран̣а̄нам̣ пат̣хамаджджха̄нам̣ бха̄вайато, тадан̇ганиродхо ча дит̣т̣хигата̄нам̣ ниббедхабха̄гийам̣ сама̄дхим̣ бха̄вайато, самуччхеданиродхо ча локуттарам̣ кхайага̄мимаггам̣ бха̄вайато, пат̣иппассаддхиниродхо ча пхалаккхан̣е, ниссаран̣аниродхо ча амата̄ дха̄ту. самма̄дит̣т̣хийа̄ име пан̃ча ниродха̄. имесу пан̃часу ниродхесу чхандаджа̄то хоти саддха̄дхимутто, читтан̃часса сва̄дхит̣т̣хитам̣.

самма̄дит̣т̣хийа̄ катаме пан̃ча воссагга̄? виккхамбханавоссагго, тадан̇гавоссагго, самуччхедавоссагго, пат̣иппассаддхивоссагго, ниссаран̣авоссагго. виккхамбханавоссагго ча нӣваран̣а̄нам̣ пат̣хамаджджха̄нам̣ бха̄вайато, тадан̇гавоссагго ча дит̣т̣хигата̄нам̣ ниббедхабха̄гийам̣ сама̄дхим̣ бха̄вайато, самуччхедавоссагго ча локуттарам̣ кхайага̄мимаггам̣ бха̄вайато, пат̣иппассаддхивоссагго ча пхалаккхан̣е, ниссаран̣авоссагго ча ниродхо нибба̄нам̣. самма̄дит̣т̣хийа̄ име пан̃ча воссагга̄. имесу пан̃часу воссаггесу чхандаджа̄то хоти саддха̄дхимутто, читтан̃часса сва̄дхит̣т̣хитам̣. самма̄дит̣т̣хийа̄ име пан̃ча вивека̄, пан̃ча вира̄га̄, пан̃ча ниродха̄, пан̃ча воссагга̄, два̄даса ниссайа̄.

25. самма̄сан̇каппасса …пе… самма̄ва̄ча̄йа… самма̄каммантасса… самма̄а̄джӣвасса… самма̄ва̄йа̄масса… самма̄сатийа̄… самма̄сама̄дхисса катаме пан̃ча вивека̄? виккхамбханавивеко, тадан̇гавивеко, самуччхедавивеко, пат̣иппассаддхививеко, ниссаран̣авивеко. виккхамбханавивеко ча нӣваран̣а̄нам̣ пат̣хамаджджха̄нам̣ бха̄вайато, тадан̇гавивеко ча дит̣т̣хигата̄нам̣ ниббедхабха̄гийам̣ сама̄дхим̣ бха̄вайато, самуччхедавивеко ча локуттарам̣ кхайага̄мимаггам̣ бха̄вайато, пат̣иппассаддхививеко ча пхалаккхан̣е ниссаран̣авивеко ча ниродхо нибба̄нам̣. самма̄сама̄дхисса име пан̃ча вивека̄. имесу пан̃часу вивекесу чхандаджа̄то хоти саддха̄дхимутто, читтан̃часса сва̄дхит̣т̣хитам̣.

самма̄сама̄дхисса катаме пан̃ча вира̄га̄? виккхамбханавира̄го, тадан̇гавира̄го, самуччхедавира̄го, пат̣иппассаддхивира̄го, ниссаран̣авира̄го. виккхамбханавира̄го ча нӣваран̣а̄нам̣ пат̣хамаджджха̄нам̣ бха̄вайато, тадан̇гавира̄го ча дит̣т̣хигата̄нам̣ ниббедхабха̄гийам̣ сама̄дхим̣ бха̄вайато, самуччхедавира̄го ча локуттарам̣ кхайага̄мимаггам̣ бха̄вайато, пат̣иппассаддхивира̄го ча пхалаккхан̣е, ниссаран̣авира̄го ча ниродхо нибба̄нам̣. самма̄сама̄дхисса име пан̃ча вира̄га̄. имесу пан̃часу вира̄гесу чхандаджа̄то хоти саддха̄дхимутто, читтан̃часса сва̄дхит̣т̣хитам̣.

самма̄сама̄дхисса катаме пан̃ча ниродха̄? виккхамбхананиродхо, тадан̇ганиродхо, самуччхеданиродхо, пат̣иппассаддхиниродхо, ниссаран̣аниродхо. виккхамбхананиродхо ча нӣваран̣а̄нам̣ пат̣хамаджджха̄нам̣ бха̄вайато, тадан̇ганиродхо ча дит̣т̣хигата̄нам̣ ниббедхабха̄гийам̣ сама̄дхим̣ бха̄вайато, самуччхеданиродхо ча локуттарам̣ кхайага̄мимаггам̣ бха̄вайато, пат̣иппассаддхиниродхо ча пхалаккхан̣е, ниссаран̣аниродхо ча амата̄ дха̄ту. самма̄сама̄дхисса име пан̃ча ниродха̄. имесу пан̃часу ниродхесу чхандаджа̄то хоти саддха̄дхимутто, читтан̃часса сва̄дхит̣т̣хитам̣.

самма̄сама̄дхисса катаме пан̃ча воссагга̄? виккхамбханавоссагго, тадан̇гавоссагго, самуччхедавоссагго, пат̣иппассаддхивоссагго, ниссаран̣авоссагго. виккхамбханавоссагго ча нӣваран̣а̄нам̣ пат̣хамаджджха̄нам̣ бха̄вайато, тадан̇гавоссагго ча дит̣т̣хигата̄нам̣ ниббедхабха̄гийам̣ сама̄дхим̣ бха̄вайато, самуччхедавоссагго ча локуттарам̣ кхайага̄мимаггам̣ бха̄вайато, пат̣иппассаддхивоссагго ча пхалаккхан̣е, ниссаран̣авоссагго ча ниродхо нибба̄нам̣. самма̄сама̄дхисса име пан̃ча воссагга̄. имесу пан̃часу воссаггесу чхандаджа̄то хоти саддха̄дхимутто, читтан̃часса сва̄дхит̣т̣хитам̣. самма̄сама̄дхисса име пан̃ча вивека̄, пан̃ча вира̄га̄, пан̃ча ниродха̄, пан̃ча воссагга̄, два̄даса ниссайа̄.

26. ‘‘сеййатха̄пи, бхиккхаве, йе кечи балакаран̣ӣйа̄ камманта̄ карӣйанти, саббе те патхавим̣ нисса̄йа патхавийам̣ патит̣т̣ха̄йа евамете балакаран̣ӣйа̄ камманта̄ карӣйанти; евамевам̣ кхо, бхиккхаве, бхиккху сӣлам̣ нисса̄йа сӣле патит̣т̣ха̄йа сатта боджджхан̇ге бха̄вети, сатта боджджхан̇ге бахулӣкароти…пе… сатта боджджхан̇ге бха̄венто сатта боджджхан̇ге бахулӣкаронто вуддхим̣ вирӯл̣хим̣ вепуллам̣ па̄пун̣а̄ти дхаммесу…пе… пан̃ча бала̄ни бха̄вети, пан̃ча бала̄ни бахулӣкароти…пе… пан̃ча бала̄ни бха̄венто пан̃ча бала̄ни бахулӣкаронто вуддхим̣ вирӯл̣хим̣ вепуллам̣ па̄пун̣а̄ти дхаммесу…пе… пан̃чиндрийа̄ни бха̄вети, пан̃чиндрийа̄ни бахулӣкароти…пе….

‘‘сеййатха̄пи, бхиккхаве, йе кечи бӣджага̄мабхӯтага̄ма̄ вуддхим̣ вирӯл̣хим̣ вепуллам̣ а̄паджджанти, саббе те патхавим̣ нисса̄йа патхавийам̣ патит̣т̣ха̄йа евамете бӣджага̄мабхӯтага̄ма̄ вуддхим̣ вирӯл̣хим̣ вепуллам̣ а̄паджджанти, евамевам̣ кхо, бхиккхаве, бхиккху сӣлам̣ нисса̄йа сӣле патит̣т̣ха̄йа пан̃чиндрийа̄ни бха̄венто пан̃чиндрийа̄ни бахулӣкаронто вуддхим̣ вирӯл̣хим̣ вепуллам̣ па̄пун̣а̄ти дхаммесу.

‘‘катхан̃ча, бхиккхаве, бхиккху сӣлам̣ нисса̄йа сӣле патит̣т̣ха̄йа пан̃чиндрийа̄ни бха̄венто пан̃чиндрийа̄ни бахулӣкаронто вуддхим̣ вирӯл̣хим̣ вепуллам̣ па̄пун̣а̄ти дхаммесу? идха, бхиккхаве, бхиккху саддхиндрийам̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣. вӣрийиндрийам̣ бха̄вети…пе… сатиндрийам̣ бха̄вети…пе… сама̄дхиндрийам̣ бха̄вети…пе… пан̃н̃индрийам̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣. евам̣ кхо, бхиккхаве, бхиккху сӣлам̣ нисса̄йа…пе… па̄пун̣а̄ти дхаммесӯ’’ти.