10. ма̄тика̄катха̄

40. ниччха̄то [ниччха̄то муччатӣти (сйа̄.)], моккхо вимоккхо, виджджа̄вимутти, адхисӣлам̣, адхичиттам̣, адхипан̃н̃а̄, пассаддхи, н̃а̄н̣ам̣, дассанам̣ висуддхи [суддхи (сйа̄.)] неккхаммам̣, ниссаран̣ам̣ павивеко, воссагго, чарийа̄, джха̄навимоккхо, бха̄вана̄, адхит̣т̣ха̄нам̣, джӣвитам̣.

41. ниччха̄тоти неккхаммена ка̄маччхандато ниччха̄то, абйа̄па̄дена бйа̄па̄дато ниччха̄то…пе… пат̣хамена джха̄нена нӣваран̣ехи ниччха̄то…пе… арахаттамаггена саббакилесехи ниччха̄то.

моккхо вимоккхоти неккхаммена ка̄маччхандато муччатӣти – моккхо вимоккхо. абйа̄па̄дена бйа̄па̄дато муччатӣти – моккхо вимоккхо…пе… пат̣хамена джха̄нена нӣваран̣ехи муччатӣти – моккхо вимоккхо…пе… арахаттамаггена саббакилесехи муччатӣти – моккхо вимоккхо.

виджджа̄вимуттӣти неккхаммам̣ виджджатӣти виджджа̄, ка̄маччхандато муччатӣти вимутти. виджджанто муччати, муччанто виджджатӣти – виджджа̄вимутти. абйа̄па̄до [абйа̄па̄дам̣ (сйа̄.)] виджджатӣти виджджа̄, бйа̄па̄дато вимуччатӣти вимутти. виджджанто муччати, муччанто виджджатӣти – виджджа̄вимутти…пе… арахаттамагго виджджатӣти виджджа̄, саббакилесехи муччатӣти вимутти. виджджанто муччати, муччанто виджджатӣти – виджджа̄вимутти.

адхисӣлам̣ адхичиттам̣ адхипан̃н̃а̄ти неккхаммена ка̄маччхандам̣, сам̣варат̣т̣хена сӣлависуддхи, авиккхепат̣т̣хена читтависуддхи, дассанат̣т̣хена дит̣т̣хивисуддхи. йо таттха сам̣варат̣т̣хо, айам̣ адхисӣласиккха̄. йо таттха авиккхепат̣т̣хо, айам̣ адхичиттасиккха̄. йо таттха дассанат̣т̣хо, айам̣ адхипан̃н̃а̄сиккха̄. абйа̄па̄дена бйа̄па̄дам̣ сам̣варат̣т̣хена сӣлависуддхи…пе… арахаттамаггена саббакилесе сам̣варат̣т̣хена сӣлависуддхи, авиккхепат̣т̣хена читтависуддхи. дассанат̣т̣хена дит̣т̣хивисуддхи. йо таттха сам̣варат̣т̣хо, айам̣ адхисӣласиккха̄. йо таттха авиккхепат̣т̣хо, айам̣ адхичиттасиккха̄. йо таттха дассанат̣т̣хо, айам̣ адхипан̃н̃а̄сиккха̄.

пассаддхӣти неккхаммена ка̄маччхандам̣ пат̣иппассамбхети, абйа̄па̄дена бйа̄па̄дам̣ пат̣иппассамбхети…пе… арахаттамаггена саббакилесе пат̣иппассамбхети.

н̃а̄н̣анти ка̄маччхандасса пахӣнатта̄ неккхаммам̣ н̃а̄тат̣т̣хена н̃а̄н̣ам̣; бйа̄па̄дасса пахӣнатта̄ абйа̄па̄до н̃а̄тат̣т̣хена н̃а̄н̣ам̣…пе… саббакилеса̄нам̣ пахӣнатта̄ арахаттамагго н̃а̄тат̣т̣хена н̃а̄н̣ам̣.

дассананти ка̄маччхандасса пахӣнатта̄ неккхаммам̣ дит̣т̣хатта̄ дассанам̣. бйа̄па̄дасса пахӣнатта̄ абйа̄па̄до дит̣т̣хатта̄ дассанам̣…пе… саббакилеса̄нам̣ пахӣнатта̄ арахаттамагго дит̣т̣хатта̄ дассанам̣.

висуддхӣти ка̄маччхандам̣ паджаханто неккхаммена висуджджхати. бйа̄па̄дам̣ паджаханто абйа̄па̄дена висуджджхати…пе… саббакилесе паджаханто арахаттамаггена висуджджхати.

неккхамманти ка̄ма̄наметам̣ ниссаран̣ам̣, йадидам̣ неккхаммам̣. рӯпа̄наметам̣ ниссаран̣ам̣, йадидам̣ а̄руппам̣. йам̣ кхо пана кин̃чи бхӯтам̣ сан̇кхатам̣ пат̣иччасамуппаннам̣, ниродхо тасса неккхаммам̣. бйа̄па̄дасса абйа̄па̄до неккхаммам̣. тхинамиддхасса а̄локасан̃н̃а̄ неккхаммам̣…пе… саббакилеса̄нам̣ арахаттамагго неккхаммам̣.

ниссаран̣анти ка̄ма̄наметам̣ ниссаран̣ам̣, йадидам̣ неккхаммам̣. рӯпа̄наметам̣ ниссаран̣ам̣, йадидам̣ а̄руппам̣. йам̣ кхо пана кин̃чи бхӯтам̣ сан̇кхатам̣ пат̣иччасамуппаннам̣, ниродхо тасса ниссаран̣ам̣. ка̄маччхандасса неккхаммам̣ ниссаран̣ам̣. бйа̄па̄дасса абйа̄па̄до ниссаран̣ам̣…пе… саббакилеса̄нам̣ арахаттамагго ниссаран̣ам̣.

павивекоти ка̄маччхандасса неккхаммам̣ павивеко …пе… саббакилеса̄нам̣ арахаттамагго павивеко.

воссагготи неккхаммена ка̄маччхандам̣ воссаджджатӣти – воссагго. абйа̄па̄дена бйа̄па̄дам̣ воссаджджатӣти – воссагго…пе… арахаттамаггена саббакилесе воссаджджатӣти – воссагго.

чарийа̄ти ка̄маччхандам̣ паджаханто неккхаммена чарати. бйа̄па̄дам̣ паджаханто абйа̄па̄дена чарати…пе… саббакилесе паджаханто арахаттамаггена чарати.

джха̄навимоккхоти неккхаммам̣ джха̄йатӣти – джха̄нам̣. ка̄маччхандам̣ джха̄петӣти – джха̄нам̣. джха̄йанто муччатӣти – джха̄навимоккхо. джха̄пенто муччатӣти – джха̄навимоккхо. джха̄йантӣти дхамма̄. джха̄пентӣти килесе. джха̄те ча джха̄пе ча джа̄на̄тӣти – джха̄наджха̄йӣ [джха̄навимоккхо (сйа̄.) ат̣т̣хакатха̄ олокетабба̄]. абйа̄па̄до джха̄йатӣти джха̄нам̣. бйа̄па̄дам̣ джха̄петӣти – джха̄нам̣…пе… а̄локасан̃н̃а̄ джха̄йатӣти – джха̄нам̣. тхинамиддхам̣ джха̄петӣти – джха̄нам̣…пе… арахаттамагго джха̄йатӣти – джха̄нам̣. саббакилесе джха̄петӣти – джха̄нам̣. джха̄йанто муччатӣти – джха̄навимоккхо. джха̄пенто муччатӣти – джха̄навимоккхо. джха̄йантӣти – дхамма̄. джха̄пентӣти – килесе. джха̄те ча джха̄пе ча джа̄на̄тӣти – джха̄наджха̄йӣ.

42. бха̄вана̄ адхит̣т̣ха̄нам̣ джӣвитанти ка̄маччхандам̣ паджаханто неккхаммам̣ бха̄ветӣти – бха̄вана̄сампанно. неккхаммавасена читтам̣ адхит̣т̣ха̄тӣти – адхит̣т̣ха̄насампанно. сва̄йам̣ евам̣ бха̄вана̄сампанно адхит̣т̣ха̄насампанно самам̣ джӣвати, но висамам̣; самма̄ джӣвати, но миччха̄; висуддхам̣ джӣвати, но килит̣т̣ханти – а̄джӣвасампанно. сва̄йам̣ евам̣ бха̄вана̄сампанно адхит̣т̣ха̄насампанно а̄джӣвасампанно йан̃н̃адева парисам̣ упасан̇камати – йади кхаттийапарисам̣ йади бра̄хман̣апарисам̣ йади гахапатипарисам̣ йади саман̣апарисам̣ – виса̄радо упасан̇камати аман̇кубхӯто. там̣ кисса хету? татха̄ хи со бха̄вана̄сампанно адхит̣т̣ха̄насампанно а̄джӣвасампанно.

бйа̄па̄дам̣ паджаханто абйа̄па̄дам̣ бха̄ветӣти – бха̄вана̄сампанно…пе… тхинамиддхам̣ паджаханто а̄локасан̃н̃ам̣ бха̄ветӣти – бха̄вана̄сампанно…пе… уддхаччам̣ паджаханто авиккхепам̣ бха̄ветӣти – бха̄вана̄сампанно…пе… вичикиччхам̣ паджаханто дхаммававаттха̄нам̣ бха̄ветӣти – бха̄вана̄сампанно…пе… авиджджам̣ паджаханто виджджам̣ бха̄ветӣти – бха̄вана̄сампанно…пе… аратим̣ паджаханто па̄моджджам̣ бха̄ветӣти – бха̄вана̄сампанно…пе… нӣваран̣е паджаханто пат̣хамам̣ джха̄нам̣ бха̄ветӣти – бха̄вана̄сампанно…пе… саббакилесе паджаханто арахаттамаггам̣ бха̄ветӣти – бха̄вана̄сампанно. арахаттамаггавасена читтам̣ адхит̣т̣ха̄тӣти – адхит̣т̣ха̄насампанно. сва̄йам̣ евам̣ бха̄вана̄сампанно адхит̣т̣ха̄насампанно самам̣ джӣвати, но висамам̣; самма̄ джӣвати, но миччха̄; висуддхам̣ джӣвати, но килит̣т̣ханти – а̄джӣвасампанно. сва̄йам̣ евам̣ бха̄вана̄сампанно адхит̣т̣ха̄насампанно а̄джӣвасампанно йан̃н̃адева парисам̣ упасан̇камати – йади кхаттийапарисам̣ йади бра̄хман̣апарисам̣ йади гахапатипарисам̣ йади саман̣апарисам̣ – виса̄радо упасан̇камати аман̇кубхӯто. там̣ кисса хету? татха̄ хи со бха̄вана̄сампанно адхит̣т̣ха̄насампанно а̄джӣвасампанноти.

ма̄тика̄катха̄ нит̣т̣хита̄.

пан̃н̃а̄вагго татийо.