1. кумбхан̇гапан̃хо

1. ‘‘бханте на̄гасена, ‘кумбхасса екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, кумбхо сампун̣н̣о на сан̣ати, евамева кхо, маха̄ра̄джа, йогина̄ йога̄вачарена а̄гаме адхигаме парийаттийам̣ са̄ман̃н̃е па̄рамим̣ патва̄ на сан̣итаббам̣, на тена ма̄но каран̣ӣйо, на даббо [даппо (сӣ.)] дассетаббо, нихатама̄нена нихатадаббена бхавитаббам̣, уджукена амукхарена авикаттхина̄. идам̣, маха̄ра̄джа, кумбхасса екам̣ ан̇гам̣ гахетаббам̣. бха̄ситампетам̣, маха̄ра̄джа, бхагавата̄ дева̄тидевена суттанипа̄те –

‘‘‘йадӯнакам̣ там̣ сан̣ати, йам̣ пӯрам̣ сантамева там̣;

ад̣д̣хакумбхӯпамо [риттакумбхӯпамо (сӣ.)] ба̄ло, рахадо пӯрова пан̣д̣ито’’’ти.

кумбхан̇гапан̃хо пат̣хамо.