9. ба̄л̣исикан̇гапан̃хо

9. ‘‘бханте на̄гасена, ‘ба̄л̣исикасса две ан̇га̄ни гахетабба̄нӣ’ти йам̣ вадеси, катама̄ни та̄ни две ан̇га̄ни гахетабба̄нӣ’’ти? ‘‘йатха̄, маха̄ра̄джа, ба̄л̣исико бал̣исена маччхе уддхарати, евамева кхо, маха̄ра̄джа, йогина̄ йога̄вачарена н̃а̄н̣ена уттарим̣ са̄ман̃н̃апхала̄ни уддхаритабба̄ни. идам̣, маха̄ра̄джа, ба̄л̣исикасса пат̣хамам̣ ан̇гам̣ гахетаббам̣.

‘‘пуна чапарам̣, маха̄ра̄джа, ба̄л̣исико париттакам̣ вадхитва̄ випулам̣ ла̄бхамадхигаччхати, евамева кхо, маха̄ра̄джа, йогина̄ йога̄вачарена паритталока̄мисаматтам̣ париччаджитаббам̣. лока̄мисаматтам̣, маха̄ра̄джа, париччаджитва̄ йогӣ йога̄вачаро випулам̣ са̄ман̃н̃апхалам̣ адхигаччхати. идам̣, маха̄ра̄джа, ба̄л̣исикасса дутийам̣ ан̇гам̣ гахетаббам̣. бха̄ситампетам̣, маха̄ра̄джа, тхерена ра̄хулена –

‘‘‘сун̃н̃атан̃ча̄нимиттан̃ча, вимоккхан̃ча̄ппан̣ихитам̣;

чатуро пхале чхал̣абхин̃н̃а̄, чаджитва̄ лока̄мисам̣ лабхе’’’ти.

ба̄л̣исикан̇гапан̃хо навамо.