8. джалӯкан̇гапан̃хо

8. ‘‘бханте на̄гасена, ‘джалӯка̄йа екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, джалӯка̄ йаттха аллӣйати, таттхева дал̣хам̣ аллӣйитва̄ рухирам̣ пивати, евамева кхо, маха̄ра̄джа, йогина̄ йога̄вачарена йасмим̣ а̄рамман̣е читтам̣ аллӣйати, там̣ а̄рамман̣ам̣ ван̣н̣ато ча сан̣т̣ха̄нато ча дисато ча ока̄сато ча париччхедато ча лин̇гато ча нимиттато ча дал̣хам̣ патит̣т̣ха̄петва̄ тенева̄рамман̣ена вимуттирасамасечанакам̣ па̄таббам̣. идам̣, маха̄ра̄джа, джалӯка̄йа екам̣ ан̇гам̣ гахетаббам̣. бха̄ситампетам̣, маха̄ра̄джа, тхерена ануруддхена –

‘‘‘парисуддхена читтена, а̄рамман̣е патит̣т̣ха̄йа;

тена читтена па̄таббам̣, вимуттирасамасечана’’’нти.

джалӯкан̇гапан̃хо ат̣т̣хамо.