6. сатапаттан̇гапан̃хо

6. ‘‘бханте на̄гасена, ‘сатапаттасса екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, сатапатто равитва̄ паресам̣ кхемам̣ ва̄ бхайам̣ ва̄ а̄чиккхати, евамева кхо, маха̄ра̄джа, йогина̄ йога̄вачарена паресам̣ дхаммам̣ десайама̄нена винипа̄там̣ бхайато дассайитаббам̣, нибба̄нам̣ кхемато дассайитаббам̣. идам̣, маха̄ра̄джа, сатапаттасса екам̣ ан̇гам̣ гахетаббам̣. бха̄ситампетам̣, маха̄ра̄джа, тхерена пин̣д̣олабха̄радва̄джена –

‘‘‘нирайе бхайасанта̄сам̣, нибба̄не випулам̣ сукхам̣;

убхайа̄нета̄наттха̄ни дассетабба̄ни йогина̄’’’ти.

сатапаттан̇гапан̃хо чхат̣т̣хо.