4. гхаракапотан̇гапан̃хо

4. ‘‘бханте на̄гасена, ‘гхаракапотасса екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, гхаракапото парагехе васама̄но на тесам̣ кин̃чи бхан̣д̣асса нимиттам̣ ган̣ха̄ти, маджджхатто васати сан̃н̃а̄бахуло, евамева кхо, маха̄ра̄джа, йогина̄ йога̄вачарена паракулам̣ упагатена тасмим̣ куле иттхӣнам̣ ва̄ пуриса̄нам̣ ва̄ ман̃че ва̄ пӣт̣хе ва̄ ваттхе ва̄ алан̇ка̄ре ва̄ упабхоге ва̄ парибхоге ва̄ бходжанавикатӣсу ва̄ на нимиттам̣ гахетаббам̣, маджджхаттена бхавитаббам̣, саман̣асан̃н̃а̄ паччупат̣т̣хапетабба̄. идам̣, маха̄ра̄джа, гхаракапотасса екам̣ ан̇гам̣ гахетаббам̣. бха̄ситампетам̣, маха̄ра̄джа, бхагавата̄ дева̄тидевена чӯл̣ана̄рададжа̄таке –

‘‘‘пависитва̄ паракулам̣, па̄наттхам̣ бходжана̄йа ва̄ [па̄несу бходжанесу ва̄ (сӣ. пӣ.)];

митам̣ кха̄де митам̣ бхун̃дже, на ча рӯпе манам̣ каре’’’ти.

гхаракапотан̇гапан̃хо чатуттхо.