1. упачикан̇гапан̃хо

1. ‘‘бханте на̄гасена, ‘упачика̄йа екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, упачика̄ упари чхаданам̣ катва̄ атта̄нам̣ пидахитва̄ гочара̄йа чарати, евамева кхо, маха̄ра̄джа, йогина̄ йога̄вачарена сӣласам̣варачхаданам̣ катва̄ ма̄насам̣ пидахитва̄ пин̣д̣а̄йа чаритаббам̣, сӣласам̣варачхаданена кхо, маха̄ра̄джа, йогӣ йога̄вачаро саббабхайасаматикканто хоти. идам̣, маха̄ра̄джа, упачика̄йа екам̣ ан̇гам̣ гахетаббам̣, бха̄ситампетам̣, маха̄ра̄джа, тхерена упасенена ван̇гантапуттена –

‘‘‘сӣласам̣варачхаданам̣, йогӣ катва̄на ма̄насам̣;

анупалитто локена, бхайа̄ ча паримуччатӣ’’’ти.

упачикан̇гапан̃хо пат̣хамо.