9. каммака̄ран̇гапан̃хо

9. ‘‘бханте на̄гасена, ‘каммака̄расса екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, каммака̄ро евам̣ чинтайати ‘бхатако ахам̣ има̄йа на̄ва̄йа каммам̣ кароми, има̄йа̄хам̣ на̄ва̄йа ва̄хаса̄ бхаттаветанам̣ лабха̄ми, на ме пама̄до каран̣ӣйо, аппама̄дена ме айам̣ на̄ва̄ ва̄хетабба̄’ти, евамева кхо, маха̄ра̄джа, йогина̄ йога̄вачарена евам̣ чинтайитаббам̣ ‘имам̣ кхо ахам̣ ча̄тумаха̄бхӯтикам̣ ка̄йам̣ саммасанто сататам̣ самитам̣ аппаматто упат̣т̣хитассати сато сампаджа̄но сама̄хито екаггачитто джа̄тиджара̄бйа̄дхимаран̣асокапаридевадуккхадоманассупа̄йа̄сехи паримуччисса̄мӣти аппама̄до ме каран̣ӣйо’ти, идам̣, маха̄ра̄джа, каммака̄расса екам̣ ан̇гам̣ гахетаббам̣. бха̄ситампетам̣, маха̄ра̄джа, тхерена са̄рипуттена дхаммасена̄патина̄ –

‘‘‘ка̄йам̣ имам̣ саммасатха, париджа̄на̄тха пунаппунам̣;

ка̄йе сабха̄вам̣ дисва̄на, дуккхассантам̣ кариссатха̄’ти.

каммака̄ран̇гапан̃хо навамо.