7. кӯпан̇гапан̃хо

7. ‘‘бханте на̄гасена, ‘кӯпасса екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, кӯпо раджджун̃ча вараттан̃ча лан̇ка̄ран̃ча дха̄рети, евамева кхо, маха̄ра̄джа, йогина̄ йога̄вачарена сатисампаджан̃н̃асаманна̄гатена бхавитаббам̣, абхикканте пат̣икканте а̄локите вилоките самин̃джите паса̄рите сан̇гха̄т̣ипаттачӣварадха̄ран̣е асите пӣте кха̄йите са̄йите учча̄рапасса̄вакамме гате т̣хите нисинне сутте джа̄гарите бха̄сите тун̣хӣбха̄ве сампаджа̄нака̄рина̄ бхавитаббам̣. идам̣, маха̄ра̄джа, кӯпасса екам̣ ан̇гам̣ гахетаббам̣. бха̄ситампетам̣, маха̄ра̄джа, бхагавата̄ дева̄тидевена ‘сато, бхиккхаве, бхиккху вихареййа сампаджа̄но, айам̣ во амха̄кам̣ ануса̄санӣ’’’ти.

кӯпан̇гапан̃хо саттамо.