5. дӣпикан̇гапан̃хо

5. ‘‘бханте на̄гасена, ‘дӣпикасса две ан̇га̄ни гахетабба̄нӣ’ти йам̣ вадеси, катама̄ни та̄ни две ан̇га̄ни гахетабба̄нӣ’’ти? ‘‘йатха̄, маха̄ра̄джа, дӣпико аран̃н̃е тин̣агаханам̣ ва̄ ванагаханам̣ ва̄ паббатагаханам̣ ва̄ нисса̄йа нилӣйитва̄ миге ган̣ха̄ти, евамева кхо, маха̄ра̄джа, йогина̄ йога̄вачарена вивекам̣ севитаббам̣ аран̃н̃ам̣ руккхамӯлам̣ паббатам̣ кандарам̣ гиригухам̣ суса̄нам̣ ванапаттхам̣ аббхока̄сам̣ пала̄лапун̃джам̣ аппасаддам̣ аппаниггхосам̣ виджанава̄там̣ мануссара̄хасеййакам̣ пат̣исалла̄наса̄руппам̣; вивекам̣ севама̄но хи, маха̄ра̄джа, йогӣ йога̄вачаро начирассева чхал̣абхин̃н̃а̄су ча васибха̄вам̣ па̄пун̣а̄ти. идам̣, маха̄ра̄джа, дӣпикасса пат̣хамам̣ ан̇гам̣ гахетаббам̣. бха̄ситампетам̣, маха̄ра̄джа, тхерехи дхаммасан̇га̄хакехи –

‘‘‘йатха̄пи дӣпико на̄ма, нилӣйитва̄ ган̣хате [ган̣хатӣ (сӣ. пӣ.)] миге;

татхева̄йам̣ буддхапутто, йуттайого випассако;

аран̃н̃ам̣ пависитва̄на, ган̣ха̄ти пхаламуттама’нти.

‘‘пуна чапарам̣, маха̄ра̄джа, дӣпико йам̣ кин̃чи пасум̣ вадхитва̄ ва̄мена пассена патитам̣ на бхаккхети. евамева кхо, маха̄ра̄джа, йогина̄ йога̄вачарена вел̣уда̄нена ва̄ паттада̄нена ва̄ пуппхада̄нена ва̄ пхалада̄нена ва̄ сина̄нада̄нена ва̄ маттика̄да̄нена ва̄ чун̣н̣ада̄нена ва̄ дантакат̣т̣хада̄нена ва̄ мукходакада̄нена ва̄ ча̄тукамйата̄йа ва̄ муггасупйата̄йа [муггасуппата̄йа (сӣ. пӣ.)] ва̄ па̄рибхат̣а [па̄рибхат̣т̣ата̄йа (сӣ. пӣ.)] йата̄йа ва̄ джан̇гхапесанӣйена ва̄ веджджакаммена ва̄ дӯтакаммена ва̄ пахин̣агаманена ва̄ пин̣д̣апат̣ипин̣д̣ена ва̄ да̄на̄нуппада̄нена ва̄ ваттхувиджджа̄йа ва̄ наккхаттавиджджа̄йа ва̄ ан̇гавиджджа̄йа [нагавиджджа̄йа (ка.)] ва̄ ан̃н̃атаран̃н̃атарена ва̄ буддхаппат̣икут̣т̣хена миччха̄джӣвена ниппха̄дитам̣ бходжанам̣ на бхун̃джитаббам̣ [парибхун̃джитаббам̣ (сӣ. пӣ.)] ва̄мена пассена патитам̣ пасум̣ вийа дӣпико. идам̣, маха̄ра̄джа, дӣпикасса дутийам̣ ан̇гам̣ гахетаббам̣. бха̄ситампетам̣, маха̄ра̄джа, тхерена са̄рипуттена дхаммасена̄патина̄ –

‘‘‘вачӣвин̃н̃аттивиппха̄ра̄, уппаннам̣ мадхупа̄йасам̣;

саче бхутто бхавеййа̄хам̣, са̄джӣво гарахито мама.

‘‘‘йадипи ме антагун̣ам̣, никкхамитва̄ бахӣ чаре;

нева бхиндеййама̄джӣвам̣, чаджама̄нопи джӣвита’’’нти.

дӣпикан̇гапан̃хо пан̃чамо.